საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია კერძო სექტორს აქტიურ თანამშრომლობას სთავაზობს. Holiday Inn-ში ადმინისტრაციის ხელმძღვანელმა გიორგი ჩოგოვაძემ ტურიზმის ასოციაციების, სასტუმროების, ავიაკომპანიების 40-მდე წარმომადგენელს 2016 წლის სამოქმედო გეგმა გააცნო.
როგორც ჩოგოვაძემ მედიასთან საუბარში აღნიშნა, შეხვედრაზე განიხილებოდა ისეთი პროექტები, რომლებიც კერძო სექტორთან ერთდ ტურიზმის ეროვნულ ადმინისტრაციას შეუძლია განახორციელოს იმისათვის, რომ საქართველო უფრო პოპულარული გახდეს მსოფლიოს სხვადასხვა ქვეყანაში.
შეხვედრაზე საზღვარგარეთ ერთობლივი მარკეტინგული კამპანიების, პრეს და ინფო ტურების გამართვის საკითხები განიხილეს. შეხვედრას ესწრებოდა საქართველოს აეროპორტების გაერთიანების დირექტორი ქეთევან ალექსიძე.
მარიამ ტაკაშვილი
