ერთიანი ეროვნული გამოცდების შედეგების გამოცხადებიდან სულ რამდენიმე დღეა გასული. შედეგები, ცხადია, თითოეული აბიტურიენტისთვის ძალიან მნიშვნელოვანია. ზოგიერთმა გამოცდებს გაცილებით უკეთ გაართვა თავი.
ნანო კალაძემ და ლუკა ურუშაძემ გამოცდებისთვის მოსამზადებლად მიმართეს იცა-ს. აღნიშნულ ცენტრში მათ მიიღეს შესაბამისი ცოდნა და უნარები, მიეღწიათ წარმატებისთვის ეროვნულ გამოცდებზე.ისინი 60 ქულიდან 57-ით შეფასდნენ.
ნანო კალაძე
ეროვნული გამოცდები ყველა აბიტურიენტისთვის მნიშვნელოვანია, შესაბამისად, მეც ვეცადე, გასული სასწავლო წელი მაქსიმალურად გამომეყენებინა სასურველი შედეგის მისაღწევად. ვფიქრობ, საგნების სიყვარულმა, განსაკუთრებით, ისტორიის, მომცა მოტივაცია, გამომევლინა ჩემი შესაძლებლობები. ამაში კი იცა-ს დიდი წვლილი მიუძღვის. მან მომცა ცოდნა, გამოცდილება, რაც დამეხმარა, გავმკლავებოდი როგორც საგამოცდო ტესტს, ისე გარემოს. გარდა ამისა, გამიღვივა ინტერესი და სიყვარული ისტორიის მიმართ.
იცა-მ ჩემი ყურადღება სწორედ რომ განააკუთრებული სწავლის მეთოდებით მიიპყრო. მან უმოკლეს დროში (4 თვეში) და, ამავე დროს, ხარისხიანად შეძლო ჩემი მომზადება საპასუხისმგებლო ისტორიის გამოცდისთვის. ტესტური სავარჯიშოები, ნაყოფიერი გამოკითხვა, ბევრი ვარჯიში უშუალოდ საგამოცდო ტიპის დავალებებზე იცა-ს გაკვეთილების განუყოფელი ნაწილია. მასწავლა, თუ როგორ უნდა მემუშავა ტესტზე ისე, რომ დროის პრობლემა არ მქონოდა და, ამავე დროს, შემეცირებინა დაშვებული შეცდომების რაოდენობა. იცა-ს მთავარი საიდუმლო კი, ვფიქრობ, სწორედ მეგობრული გარემო და მეგობრული მასწავლებლებია. ეს არის ადგილი, სადაც ყველა პატივს სცემს შენს აზრს, სიტყვას. აზრის გამოხატვამ,მნიშვნელოვან საკითხებზე მსჯელობამ და პრობლემების განხილვამ ანალიტიკური აზროვნება გამიუმჯობესა, რაც სხვა საგნებშიც დამეხმარა. ამიტომ ვთვლი, რომ იცა საუკეთესო არჩევანია მათთვის, ვისაც სურს,თავისუფალ გარემოში, სტრესის გარეშე მოემზადოს, გაიღრმავოს ცოდნა და ისიამოვნოს სასწავლო პროცესით.
ლუკა ურუშაძე
გამოცდებზე ჩემი წარმატება განაპირობა ისტორიის ძლიერმა მასწავლებელმა და ჯგუფმა, რომელიც ინსპირაციას მაძლევდა, რომ უკეთესად მესწავლა დღითი დღე. არაჩვეულებრივმა იცა-ს გარემომ, რომელმაც ძალიან შემაყვარა ისტორია და უფრო საინტერესო გახადა იგი.
იცა-ში დამხვდა მაღალი დონის სწავლება, კონპეტენტური მასწავლებლები, კარგი გარემო და ასევე, რაც მთავარია, მასწავლებელი შემოდის შენ მდგომარეობაში და ხვდება, თუ როგორი დატვირთულიც ხარ და შესაბამისად ცდილობს, ზომიერად მოგცეთ დავალებები.
მასალა მოამზადა : მარიამ ტიელიძემ
