მედიცინის პროგრამების სტუდენტებს, რომლებიც სწავლების პრაქტიკულ ნაწილს არადისტანციურად გადიან და ვაქცინირებულები არ არიან, კვირაში ერთხელ საკუთარი ხარჯით pcr ტესტის ჩატარება მოუწევთ.
საკოორდინაციო საბჭოსთან არსებული ოპერაციული შტაბის უფროსის, გიორგი ღიბრაძის თქმით, სტუდენტს ასევე შეეძლება წარადგინოს ცნობა, რომლითაც დასტურდება, რომ ბოლო 6 თვის განმავლობაში კორონავირუსი აქვს გადატანილი.
“სტუდენტები, რომლებიც მედიცინის საგანმანათლებლო პროგრამების პრაქტიკულ ნაწილს გადიან არადისტანციურად, მოეთხოვებათ წარადგინონ ვაქცინაციის ცნობა, ან საკუთარი ხარჯით კვირაში ერთხელ ჩატარებული pcr ტესტის უარყოფით პასუხი, ან 6 თვის მანძილზე გადატანილი კოვიდის დამადასტურებელი ცნობა”, – თქვა გიორგი ღიბრაძემ.
