ქორწინება შესაძლებელია მხოლოდ ქალსა და მამაკაცს შორის, რადგან ეს ზიარებაა, რომლის შეცვლა ეკლესიას არ შეუძლია, – განაცხადა რომის პაპმა ფრანცისკემ.
„თუ ჰომოსექსუალებს სურთ უსაფრთხოდ იცხოვრონ, სახელმწიფოს აქვს სამოქალაქო შესაძლებლობა, მხარი დაუჭიროს მათ, უზრუნველყოს მემკვიდრეობის, ჯანმრთელობის გარანტია. ფრანგებს აქვთ კანონი ამის შესახებ, არა მხოლოდ ჰომოსექსუალებისთვის, არამედ ყველა იმ ადამიანისთვის, ვისაც ურთიერთობა ქორწინების გარეშე სურს, მაგრამ ქორწინება ქორწინებაა. ეს არ ნიშნავს ასეთი ადამიანების დაგმობას. ისინი ჩვენი ძმები და დები არიან და ჩვენ მათ მხარი უნდა დავუჭიროთ, თუმცა ქორწინება, როგორც ზიარება, სხვა რამეა. ჩვენ ყველას პატივი უნდა ვცეთ. უფალი კეთილია და ყველას გადაარჩენს, ჩვენ შეგვიძლია ამის ხმამაღლა თქმა, მაგრამ გთხოვთ, ნუ აიძულებთ ეკლესიას თავისი სიმართლე უარყოს“, – აღნიშნა რომის პაპმა.
