მიხეილ სააკაშვილის დაპატიმრების გამო შეშფოთებას გამოთქვამს უკრაინის პრეზიდენტი და მიმართავს ქართულ მხარეს ნათლად განმარტოს ყველა ის მიზეზი და გარემოება, რის გამოც უკრაინის რეფორმების ეროვნული საბჭოს აღმასრულებელი კომიტეტის ხელმძღვანელისა და უკრაინის მოქალაქის ,მიხეილ სააკაშვილის დაპატიმრება მოხდა – ამის შესახებ უკრაინის პრეზიდენტის პრესსპიკერი სერგეი ნიკიფოროვი ფეისბუკის საკუთარ გვერდზე წერს.
“უკრაინა მიმართავს ქართულ მხარეს, ნათლად განმარტოს ყველა ის გარემოება და მიზეზი, რომლის გამოც მან უკრაინის მოქალაქის მიმართ მსგავსი ნაბიჯი გადადგა. უკრაინის საელჩოს საქართველოში დაპატიმრებასთან დაკავშირებით ოფიციალური ცნობა ჯერ არ მიუღია, მაგრამ ჩვენი კონსულები უკვე მუშაობენ, რომ მიხეილ სააკაშვილს ყველა საჭირო დახმარება აღმოუჩინონ“, – წერს სერგეი ნიკიფოროვი.
