ძალიან მალე ჩვენს მოსახლეობას დეტალურად მოვუყვებით, მაგრამ არა პრემიერ-მინისტრი, არამედ ჩვენი საგამოძიებო უწყებები, თუ საიდან შემოვიდა მიხეილ სააკაშვილი საქართველოში, – ამის შესახებ პრემიერ-მინისტრმა, ირაკლი ღარიბაშვილმა „იმედის კვირაში“ განაცხადა.
მისივე თქმით, მიხეილ სააკაშვილი ავადმყოფია და მას მკურნალობა სჭირდება.
„კატასტროფა იყო, რომ ეს კაცი 9 წლის განმავლობაში იყო პრეზიდენტი. 18 წელია არყევს ქვეყანას და მუდმივად არის დესტაბილიზაციის წყარო. რევოლუციით მოსულ კაცს როდის მოუტანია შენება და პროგრესი? მოიტანა ნგრევა, ომი, ტერიტორიები დაკარგა, ადამიანები ჩახოცა და ათასობით ადამიანი დასაჯა და გააუბედურა. რომ იტყვიან, ეშმაკი არ ასვენებს და იქნებ ციხეში 6 წელი მაინც დაისვენოს“, – განაცხადა ირაკლი ღარიბაშვილმა.
