საქართველოს კულტურისა და ძეგლთა დაცვის მინისტრი გურამ ოდიშარია „სასაზღვრო ხელოვნების, კულტურებისა და ეთნოსების“ ცენტრის ხელმძღვანელს კშიშტოფ ჩიჟევსკის შეხვდა.
პოლონეთში ვიზიტის შემდეგ, მინისტრის მოწვევით, „სასაზღვრო ხელოვნების, კულტურებისა და ეთნოსების“ ცენტრის დირექტორი კშიშტოფ ჩიჟევსკი, 8 ნოემბერს, 11:00 საათზე, კულტურის სამინისტროს საკონფერენციო დარბაზში, წაიკითავს საჯარო ლექციას თემაზე „ინტერკულტურული დიალოგის პრაქტიკა და ფილოსოფია“.
კშიშტოფ ჩიჟევსკი არის ფონდ „საზღვრის“ ერთერთი დამფუძნებელი და 1990 წლიდან მისი პრეზიდენტი; „სასაზღვრო ხელოვნების, კულტურებისა და ეთნოსების“ ცენტრის (Borderland of Cultures, Arts, Nations) ხელმძღვანელი; ლიტერატურული სახლების ევროპული ქსელის „ჰალმა“ HALMA (President of European Network of Literary Houses HALMA) პრეზიდენტი. იგი ასევე არის პროექტ „ლუბლინი კულტურის ევროპული დედაქალაქი“ სამხატვრო ხელმძღვანელი და აღმოსავლეთ პარტნიორობის კულტურის კონგრესის საბჭოს დამფუძნებელი და პრეზიდენტი. ავტორია წიგნებისა: „საზღვრის ბილიკი“ (The Path of the Borderland), “დაბრუნების ხაზი“ (Line Return, “დიალოგის სახელმძღვანელო ნდობა და იდენტობა“. (A Handbook of Dialogue. Trust and Identity).
07.11.13
