22 ნოემბერს ეკლესია „მსწრაფლშემსმენელი“ ღვთისმშობლის ხატის დღესასწაულს ზეიმობს.
აღსანიშნავია, რომ ღვთისმშობლის მსწრაფლშემსმენლის ეს სასწაულთმოქმედი ხატი ათონის დოქიარის მონასტერში იმყოფება. ის, საძმოს სატრაპეზოს კედელზე, კართანაა მოთავსებული. აქ ბერები ტრაპეზის დროს გაივლიან ხოლმე, ხოლო ტრაპეზარს ყველაზე ხშირად უწევს გავლა.
ბოლო პერიოდში ამ ხატის მიმართ განსაკუთრებით დიდი სასოება გაჩნდა სრულიად საქართველოში. მისი ასლი 2005 წლიდან ყოვლაწმინდა სამების საკათედრო ტაძარშიც ინახება, რომელსაც ყოველდღიურად უამრავი ადამიანი სტუმრობს.
საყურადღებოა ხატის სახელწოდებაც. „მსწრაფლშემსმენელი“ გულისხმობს ღვთისმშობლის ხატის სასწაულმოქმედ ძალას. ეს ხატი მართლაც მოისაზრება იმ ადამიანების მხსნედ და მაშველად, რომლებიც გასაჭირში იმყოფებიან და სწორედ ამ ხატს შესთხოვენ წყალობას.
„ქრისტიანებმა მომმართონ მე გასაჭირის ჟამს, და არავის დავტოვებ შეუსმენელს“ – სწორედ ეს სიტყვები ხატიდან ბერს, რომელსაც სასწაულებრივად აეხილა თვალები
მასალა მოამზადა: თორნიკე ყრუაშვილმა
