საქართველოს ეტლით მოფარიკავეთა ნაკრები გუნდი სამშობლოში 7 მედლით დაბრუნდა. ქართველმა პარამოფარიკავეეებმა პიზის მსოფლიო თასის გათამაშებაზე სამ დისციპლინაში იასპარეზეს და 2 ოქროს, ერთი ვერცხლის და ოთხი ბრინჯაოს მედალი მოიპოვეს.
ისინი დაშნაში პირველად გამოვიდნენ და მაღალი შედეგი აჩვენეს. ირმა ხეცურიანი ხმლით და რაპირით ფარიკაობაში ორი ოქროს მედლის მფლობელი გახდა. ტურნირის დასასრულს, ნაკრებმა გუნდურში რაპირით ასპარეზობაში მესამე ადგილი დაიკავა და ბრინჯაოს მედალი აიღო.
