დაავადებათა კონტროლის ცენტრის ხელმძღვანელმა ამირან გამყრელიძემ განაცხადა, რომ „ომიკრონით“ რეინფიცირების პროცენტი საკმაოდ მაღალია.
„ომიკრონის“ გავრცელების სისწრაფე 3-4-ჯერ და კიდევ უფრო მეტია, ვიდრე აქამდე არსებული კორონავირუსის შტამების. ხელმეორედ ინფიცირდებიან ადამიანები, ვისაც ინფექცია გადატანილი აქვთ, ანუ რეინფექციის პროცენტი საკმაოდ მაღალია.
ამავე დროს, პარალელურად, გარკვეულად ის გვერდს უვლის იმ ვაქცინებს, რომლებიც დღეს გამოიყენება, მხოლოდ თუ ბუსტერია გაკეთებული, ბუსტერიზებულ ადამიანებში შედარებით ნაკლებია ინფიცირების მაჩვენებელი“, – აღნიშნა ამირან გამყრელიძემ.
