არცთუ ისე ადვილია, ვეძიოთ ერთდროულად სასარგებლო, სასიამოვნო, გამაჯანსაღებელი და ხელმისაწვდომი. თუმცა, რეალურია და ამის საშუალებას იძლევა “კონა”. ის გახლავთ ჩაისა და ბალახეული ნაკრებების ქართული ბრენდი, რომელიც თორმეტ კომპოზიციას აერთიანებს.
“კონას” წარმოების უპირატესობებსა და ღირებულებებზე “თბილისი თაიმსს” ბრენდის აღმასრულებელი დირექტორი, ნატალია ფარცხალაძე ესაუბრა.
რამდენი ხანია, რაც ქართულ ბაზარზე არსებობს თქვენი პროდუქცია?
“კონა” ბაზარზე 2016 წლის ბოლოს გამოვიდა. ბიოლოგიურ მეურნეობათა ასოციაცია „ელკანას“ და „ოქსფამ საქართველოს“ დახმარებით (ენპარდის გრანტი), დავიწყეთ ძალიან მცირე ზომის წარმოება სოფელ ლავრისხევში და ბრენდის განვითარება. 2017 წლიდან ჩვენი ჩაი ჰოლანდიაში, საფრანგეთსა და გერმანიაში იყიდება.
დეტალურად რომ გვითხრათ, რას ამზადებთ?
« კონა » არის ქართული, პრემიუმ ხარისხის ჩაისა და ბალახეული კომპოზიციების ბრენდი. ის შეიქმნა მათთვის, ვისაც უყვარს ჩაი და ბალახეული ნაყენები, აფასებს ხარისხს. თორმეტივე ჩაი არის ერთობა ჩვენ მიერ მოყვანილი, ველურად შეგროვებული და შორიდან ჩამოსული ბალახების. “კონა » არის სურნელის, გემოს, ვიზუალის, ხარისხისა და ისტორიის კომბინაცია.
ჩვენს გამაში არის ჩაის 4 კოლექცია: Wellness collection, Herbal Zen collection, Epicurean Collection – სადაც შედის 9 სახეობის ბალახეული ნაკრები და Guria Grand Cru Collection – შავი, მწვანე და მოცვის ფოთლის ჩაი.
რით გამოირჩევა თქვენი ჩაი და ბალახეული?
« კონა » არის ფასეულობაზე დაფუძნებული და მათთვის, ვინც ამ ფასეულობებს იზიარებს. გემრიელი – მათთვის, ვინც ჰედონისტია და უყვარს სიამოვნება, სასარგებლო მათთვის, ვინც მისდევს ჯანმრთელი ცხოვრების წესს, ხარისხიანი – მათთვის, ვინც აფასებს ხარისხს.
« კონა » არის ყველასთვის – ყველას გვინდა სიყვარული, ფორმაში ჩადგომა, გათბობა, გაგრილება, ტკბილი ძილი, მარადიული სილამაზე. და ასე შეიქმნა « კონას » კომპოზიციები: ალი და ნინო – სიყვარულის კონა, ზენა – დეტოქსი, აღმოსავლური ზღაპარი – სითბოს კონა, ცია – სიგრილის კონა, ნაინა – ტკბილი ძილის კონა, მარადიული გაზაფხული – სილამაზის კონა.
« კონა » არის სურნელის, გემოს, ვიზუალის, ხარისხისა და ამბავის კომბინაცია.
უმეტესად, რის გამო ინტერესდებიან მომხმარებლები?
ჩვენი კომპოზიციები გემრიელიცაა და ფუნქციურიც. ჩაი – საუკეთესო. ხარისხის და ფასის კომბინაცია – მშვენიერი. ჩვენს კომპოზიციებში ინგრედიენტები თითქმის არ მეორდება. თითოეულ ინგრედიენტს თავისი ადგილი და ფუნქცია აქვს. თქვენთვის ვარჩევთ საუკეთესოს – სუფთა, დაუბინძურებელი გარემოდან და ხარისხიანს.
თუ გეგმავთ წარმოების გაფართოებას, პროდუქციის დამატებას?
როგორც კი პირველი ბრენდული კუთხე გავხსენით ბაზარში ორბელიანზე, ჩაის დავამატეთ ჩაისთვის მისაყოლებელი ტკბილეულის ხაზი – „სიტკბოს კონა“ – ჩვენ მიერ შემუშავებული რეცეპტებით დამზადებული ჯანმრთელი და გემრიელი დესერტი – ზოგი ჩვენი ფანტაზიაა, ზოგიც სტილიზებული ქართული ნუგბარი – ჩვენი ყველა დესერტი ჩაის შეიცავს ან ჩაის ბაზაზეა დამზადებული. მაგალითისთვის, გვაქვს გოზინაყი მწვანე ჩაით – მაჩა, გვაქვს ჩაის თანთალა – ესაა “კონას” რამდენიმე სახეობის ჩაის ჟელეები, ჩაის თანთალა შოკოლადში, „კეიჟუ’’ – შავ ჩაიში ჩახარშული ჩირი და თხილეული. “სიტკბოს კონას” გამა ყოველდღე იზრდება.
მასალა მოამზადა : მარიამ ტიელიძემ
