ქრისტიანული ტრადიციისამებრ, ნათლისღების დღესასწაულზე სრულდება წყლის კურთხევის მსახურება, ანუ დიდი აიაზმა. ამის შემდგომ ნაკურთხ წყალს უფლის მიერ კურთხეული იორდანის მადლი ეძლევა და ჩვეულებრივი წყლისგან განსხვავებით, არ იხრწნება. როგორც წესი, მორწმუნეები ნაკურთხ წყალს მთელი წლის განმავლობაში ინახავენ და სხვადასხვა დროს აქტიურად იყენებენ კიდეც. ეს შეიძლება მოხდეს სნეულების დროს, ან რაიმე განსაცდელის დროს, თუმცა წყურვილის მოსაკლავად ნაკურთხი წყლის მიღება მიზანშეწონილი არ არის.
ყოველთვის აქტიურად მსჯელობენ ნაკურთხი წყლის ძალასა და განსხვავებულ ნიშან-თვისებებზე
აღსანიშნავია, რომ ამ საკითხის გარშემო არაერთი კვლევა ჩატარდა, რამაც ცხადყო, რომ ნაკურთხ წყალს მართლაც გააჩნია განსხვავებული ნიშნები. მაგალითისთვის ისიც, რომ იგი დიდხანს არ ფუჭდება და შეუძლია სხვადასხვა დაავადების განკურნებაც.
საინტერესოა, ექსპერიმენტის შედეგები, რომლის დროსაც ნაკურთხი წყალი ჩვეულებრივთან შეურიეს, თანაფარდობით 10გ/60 ლ -ზე. მიუხედავად იმისა, რომ ნაკურთხი წყალი ძალიან მცირე რაოდენობის იყო, ანალიზმა აჩვენა, რომ უბრალო წყალმა მიიღო ნაკურთხი წყლის ნიშნები და ეს დასტურდებოდა ბიოლოგიურადაც.
მნიშვნელოვან დასკვნამდე მივიდნენ იაპონელი მეცნიერები, რომელთაც დაადგინეს, რომ წყლის მოლეკულურ სტრუქტურას ცვლის ადამიანის ენერგია, ასევე განსაკუთრებული ხმები. ასე, რომ წყლის მოლეკულური სტრუქტურის ცვლილება მისი კურთხევის დროს, გასაკვირი ფაქტი აღარ გამოდის.
აქვე უნდა აღვნიშნოთ ისიც, რომ წყლის კურთხევის განსაკუთრებული მეთოდი მხოლოდ სამ მართლმადიდებლურ ეკლესიაში გამოიყენება, რომლითაც ყველაზე მძიმე სნეულებები ინკურნება. მსგავს ადგილებში ზარის ხმა საერთოდ არ უნდა ისმოდეს. ბერებიც სრულად უნდა დუმდნენ. გადმოცემის თანახმად, ამგვარი წესით ნაკურთხ წყალს განსაკუთრებული და საოცარი ნიშან-თვისებები გააჩნია.
მასალა მოამზადა: თორნიკე ყრუაშვილმა
