არსებობს ბევრი პროფესია, არაერთი ინტერესი და ადამიანები, რომლებსაც აქვთ გემოვნება და მიდრეკილებები. ასე იქმნება ვიწრო სპეციალობები, რომლებიც გარკვეული მისწრაფებების მქონე ადამიანებს აერთიანებს.
არცთუ ისე დიდი ხანია, რაც არსებობს კომპანია – “Hunters are us” ჰანთერს არ აზ”. მას აქვს ის შეთავაზებები და მიზნები, რომლითაც აუცილებლად იქნება დაინტერესებული ყველა ის ადამიანი, ვისაც ნადირობა და მასთან დაკავშირებული მოცემულობები იზიდავს. ” თბილისი თაიმსს” კომპანიის დამფუძნებლები – თორნიკე გრუზინსკი და ნიკოლოზ ვაშაკიძე ესაუბრნენ.
დეტალურად, რას გულისხმობს თქვენი საქმიანობა?
კომპანია – “Hunters are us” ჰანთერს არ აზ” გახლავთ ახლადდაფუძნებული სტარტ აპ კომპანია, რომელიც, პირველად საქართველოში, აწარმოებს სანადირო თემატიკაზე დაკავშირებულ ტანსაცმელებსა და აქსესუარებს.
კომპანიის უმთავრესი პირობაა ადგილობრივი პროდუქციის წარმოება და მისი განვითარების ხელშეწყობა.
რა წარმოადგენს კომპანიის მიზანს?
კომპანია „ჰანთერს არ აზ“-ის მიზანია, რომ ჩვენს მომხმარებლებს შევთავაზოთ ყოველთვის განახლებული და ახალი პროდუქცია. ამჟამად, გვაქვს 20-ზე მეტი პროდუქტი, ყველაფერი წარმოებული საქართველოში.
რა პროდუქციას სთავაზობთ მომხმარებელს?
ჩვენს მომხმარებლებს ვთავაზობთ მრავალი სახის ხელნაკეთ პროდუქციას, რომლის გამოყენება შესაძლებელია როგორც სანადირო პირობებში, ასევე, ყოველდღიური მომხმარებისთვის.
გვსურს ასევე მოგახსენოთ, რომ ჩვენ შევძელით სრულად ინოვაციური პროდუქტების წარმოჩენა ადგილობრივ ბაზარზე და მოვახდინეთ სხვადასხვა მეწარმესთან თანამშრომლობა დამატებით პროდუქციის შესაქმნელად.
ამასთანავე, ჩვენი კომპანია, ქველმოქმედების სახით, ყოველი გაყიდული პროდუქციიდან 1 ლარს მოახმარს საქველმოქმედო აქტივობებს, საქართველოში ნადირობის სფეროს ხელშეწყობისა და განვითარების მიზნით.
ჩვენს მიერ ასევე განხორციელდა ახალი პროექტი, რომელიც მიზნად ისახავს მიტოვებულ მაღალ-მთიან რეგიონებში ხალხის დასაქმებას. ამ პროექტის მეშვეობით, ვაწარმოებთ მაღალი ხარისხის, 100%-ით ნატურალური შალის ნაქსოვი ჟილეტებსა და თექის ქუდებს (თექის ქუდს დავარქვით “ეთნო ქუდი”).
ეთნო ქუდის შესაქმნელად, ავიღეთ კახური ქუდის და სვანური ქუდის ელემენტები, ხოლო საბოლოოდ მოვახდინეთ მისი გათანამედროვება.
ყველა პროდუქტი არის სანადირო თემატიკით დატვირთული (დიზაინი), ხოლო მისი გამოყენება ასევე შესაძლებელია ყოველდღიური მოხმარებისთვის.
ჩვენთან თანამშრომლობით ყველას საშუალებას ვაძლევთ გამოიყენოს იმ სფეროს ნიჭი, რომლითაც თვითონ არიან გატაცებულები და მოახმარონ თავიანთი შესაძლებლობები ამ დარგის განვითარებას. ამიტომაც ყოველი პროდუქცია ჩვენთან იქმნება ძალიან დიდი სიყვარულით.
კიდევ რა აქტივობებით არის დაკავებული კომპანია?
ასევე, ჩვენ ვუკეთებთ ორგანიზებას საქველმოქმედო პროექტს – „დანერგე მომავალი“.
გადმორიცხული თანხით მოხდება ფრინველების შეძენა (კოლხური ხოხობი, და კაკაბი), რომელსაც ნადირობის სეზონის დასრულების შემდეგ გავუშვებთ მონადირეები ერთობლივად ბუნებაში (რეგიონი, ადგილი იქნება სამინისტროსთან ერთად შერჩეული/შეთანხმებული).
პროექტის მიზანია, მკაფიოდ გამოიკვეთოს, რომ მონადირე ბუნების მტერი არ არის. მოგეხსენებათ, დღეს მსოფლიო დგას უამრავი ეკოლოგიური გამოწვეების წინაშე და ბუნება ვეღარ ახერხებს თავისი რესურსებით დამოუკიდებლად აღდგენას.
გვხდება უამრავი გარემოება, რომელიც ზღუდავს ველური ბუნების თვითნებურად განვითარებას, მაგ. როგორიცაა: ცხოველთა და ფრინველთა დავადებები, შიმშილობა, მტაცებლები, ეკოლოგიური დაბინძურება, უბედური შემთხვევები, ასაკი, ბრაკონიერობა
ყოველივე ამ აქტივობით, რას ეწყობა ხელი თქვენ მიერ?
ყოველივე ამ ქველმოქმედების განხორციელებით საზოგადოებაში მოხდება სანადირო კულტური გაზრდა და იქნება ნაჩვენები, რომ მონადირე სანადირო სეზონის დახურვის შემდეგაც აგრძელებს ბუნებაზე ზრუნვას.
მოგეხსენებათ, რომ სანადირო სფეროს, თუ სწორედ არის განვითარებული და დარეგულირებული კანონმდებლობით, შეუძლია, დიდი წვლილის შეტანა ქვეყანის ეკონომიკური განვითარებისთვის.
მასალა მოამზადა : მარიამ ტიელიძემ
