„ჩიზზზი – არაჩვეულებრივი აჭარული“ – სახლში გამოსაცხობი აჭარული ხაჭაპური

მათთვის, ვისაც აჭარული ხაჭაპური გამორჩეულად უყვარს, „ჩიზზზი – არაჩვეულებრივი აჭარული“ საუკეთესო შეთავაზებაა. სწორედ ასე ჰქვია სტარტაპს, რომელიც მომხმარებელს სახლში გამოსაცხობ პროდუქტს სთავაზობს.
არცთუ ისე დიდი ხანია, რაც აღნიშნული ბიზნესი არსებობს. თუმცა, იდეიდან და ხელმისაწვდომობიდან გამომდინარე, ის მომხმარებლის ყურადღების ცენტრშია. „თბილისი თაიმსს“ დამფუძნებლები, ნათია ჯგუბურია და გიორგი ბოჭორიშვილი ესაუბრნენ.

რამდენი ხანია, რაც თქვენი სტარტაპი არსებობს?
ჩვენი სტარტაპი – „ჩიზზზი – არაჩვეულებრივი აჭარული“ (ChiZZZy – Unbelievable Acharuli) სახლში გამოსაცხობი აჭარული ხაჭაპურია, რომელზეც ვმუშაობთ ერთი წელია.
თბილისის სტრიტ ფუდ ფესტივალზე მოხდა პროდუქტის პრეზენტაცია. ვაპირებთ ახლო მომავალში გაყიდვების დაწყებას მაღაზიებში და ონლაინ.

რით არის თქვენი პროდუქტი სხვებისგან გამორჩეული?
ანალოგიური არ არსებობს ბაზარზე. „ჩიზზზი – არაჩვეულებრივი აჭარული“ – არის პრემიუმ ხარისხის პროდუქტი:
უმაღლესი ხარისხის ფქვილი, საფუარის გარეშე, ნახევრად გამომცხვარი – ხელნაკეთი აჭარულის ბაზა და ვაკუუმის პარკში ყველი (იმერული & სულგუნი) შოკურად გაყინული.
თანამედროვე შეფუთვა, შენახვის ვადა 29 დღე

ამ დრომდე, რამდენად ბევრი მომხმარებელია დაინტერესებული?

დაინტერესება არის და ყოველდღიურად იზრდება მომხარებელთა რაოდენობა

თუ გეგმავთ გაფართოებას, მათ შორის, პროდუქციის დამატებას?
ვაპირებთ თბილისში საფირმო მაღაზიის გახსნას და გასაყიდი წერტილების დამატებას, ასევე, ექსპორტს უკრაინაში, ევროპაში, აშშ-ში, დიდ ბრიტანეთსა და იაპონიაში.
ვმუშაობთ რამდენიმე მიმართულებით პროდუქციის ასორტიმენტის გაზრდაზე

​
მასალა მოამზადა : მარიამ ტიელიძემ