“რაც შეიძლება მალე უნდა ავაშენოთ მარსზე ქალაქი და სიცოცხლის მომავალი დავიცვათ”
ილონ მასკი კიდევ ერთხელ შეეხო ისეთ ერთ-ერთ საყვარელ თემას, როგორიც არის “ცივილიზაციის დასასრული”. ეს ის თემაა, რომელსაც არაერთხელ შეხებია SpaceX-ის აღმასრულებელი დირექტორი — ბოლოს და ბოლოს, ეს მოსახერხებელი ნარატივია მარსზე კაცობრიობის გაგზავნისა და ქალაქის აშენების გასამართლებლად.
“გულწრფელად ვიტყვი, ბოლო დროს ცივილიზაცია ცოტა მყიფეა. რაც შეიძლება მალე უნდა ავაშენოთ მარსზე ქალაქი და სიცოცხლის მომავალი დავიცვათ”, — ამბობს მასკი. შესაძლოა, ეს ზედმეტად დრამატული ხედვა იყოს ჩვენი მოსალოდნელი განწირულობის შესახებ, მაგრამ მილიარდერის მუდმივი გატაცების გათვალისწინებით, სამომავლო გეგმებისთვის სრულად შესაფერისია.
მასკმა არაერთხელ გამოთქვა შეშფოთება იმის გამო, რომ კაცობრიობა ნელ-ნელა ინგრევა ბუნებრივი კატასტროფების, კომეტების ზემოქმედებისა და დაბალი შობადობის გამო. კაცობრიობის საყრდენს კი წითელი პლანეტა წარმოადგენს… “ვფიქრობ, ცივილიზაციის ერთ-ერთ ყველაზე დიდ საფრთხეს დაბალი შობადობა წარმოადგენს. გთხოვთ, გადახედოთ ციფრებს — თუ ადამიანებს მეტი შვილი არ ეყოლებათ, ცივილიზაცია დაინგრევა. დაიმახსოვრეთ ჩემი სიტყვები”.
შეგახსენებთ, რომ SpaceX-ის მიერ დამზადებული ხომალდი თითო ფრენაზე 100-მდე მგზავრის გადაყვანას შეძლებს დედამიწიდან მარსზე — თუ, რა თქმა უნდა, პლანეტაზე შესაბამისი ბაზა იარსებებს. ასევე, მასკის თქმით, კომპანიას ვარსკვლავური ხომალდით ფრენა ყოველ ექვს-რვა საათში შეეძლება, რაც საკმაოდ ამბიციური გეგმაა…
“ეს მართლაც რაღაც შეშლილი გეგმაა. ძნელი დასაჯერებელია, რომ ეს რეალურია, მაგრამ ნამდვილად ასეა”, — ჰპირდება თავად “შეშლილი” ილონ მასკი საზოგადოებას.
