ფერისცვალების ეკლესიის წინამძღვარი, მამა შალვა (კეკელია), რომლის გვარიც ვიდეოში ისმის, პირველ განმარტებებს აკეთებს.
დეკანოზი ადასტურებს, რომ ის 2019 წელს მამა როინ მუმლაძის საჩივრის საფუძველზე პოლიციაში იმყოფებოდა. მამა შალვა აღიარებს იმასაც, რომ მამა როინს დაემუქრა, თბილისის ტერიტორია დაეტოვებინა და შესამოსელი გაეხადა, რადგან როინ მუმლაძე საეკლესიო ცოდვაში იყო მხილებული.
დიახ, პოლიციაში ვიყავი, ჩვენებაც მივეცი. დიახაც, ვუთხარი, რომ მე მას დავემუქრე, თუმცა ეს იმას არ ნიშნავს, რომ მას მოვკლავდი ან ვცემდი. უბრალოდ ვუთხარი, რომ ამის გასაქანს არ მოგცემ და არავინ მოგცემს. არიან ადამიანები, პოლიციას გამოვიძახებ და ამის გამო დაგიჭერენთქო. მუქარის გამო მიჩივლა”- განაცხადა სასულიერო პირმა.
მამა შალვა კეკელიას მტკიცებით, შავი ბერის მიერ მამა როინ მუმლაძის ცემასთან არანაირი შემხებლობა არ აქვს:
კეკელიაზე გადმოვიდა ყველაფერი – ერთმა ბერმა სცემა მეორე და მამა შალვაზეა საუბარი. ერთი მოექცა მეორეს ციდად და მამა შალვა რა შუაშია?! რას ნიშნავს ადამიანი მუვაგზავნე, ბერი მივუგზავნე ბერს საცემად, ეს უბრალოდ ძალიან დიდი სირცხვილია.
ეს ვიდეო არის უსაშინლესი, უმძიმესი, და ასე ღმერთის დასჯა არ შეიძლება, ასე ღმერთს, სიწმინდეს არ იცავენ. ყველა ადამიანს უშველოს!”- ამბობს მამა შალვა კეკელია.
რაც შეეხება მოძალადე ბერს, ილარიონ გიგოლაშვილს, ფერისცვალების ეკლესიის წინამძღვარი აცხადებს, რომ მას ერთადერთხელ, ერთი თვის წინ შეხვდა.
ამ ბერს ერთადერთხელ შევხვდი. მოსული იყო, დამელაპარაკა. მას ადრე, რაღაც ნახევარ საათიანი ვიდეო აქვს ჩაწერილი, მითხრა, მამაო ჩაგიგდებ, ვუთხარი, რომ არ მაინტერესებდა”- თქვა სასულიერო პირმა.
მამა შალვა კაკელია განმარტავს, რომ ილარიონ გიგოლაშვილმა მამა როინ მუმლაძეს “კაბა გახდადა და გაპარსა, ეს კი გადაიღო”. რაც შეეხება ახალ ვიდეოს, სასულიერო პირის თქმით, არც ეს ვიდეო აქვს ნანახი.
