სრულიად საქართველოს კათოლიკოს-პატრიარქი ილია მეორე განცხადებას ავრცელებს, სადაც იგი ოკუპაციისა და სისხლისღვრის შედეგებს მწუხარებით აფასებს და უკრაინას მშვიდობას უსურვებს!
ტექსტს უცვლელად გთავაზობთ:
“საქართველოს მწარე გამოცდილებიდან გამომდინარე, ვიცით, რამდენად მნიშვნელოვანია ქვეყნის ტერიტორიული მთლიანობა. ამიტომაც გულისტკივილით ვადევნებდით თვალს უკრაინასთან მიმართებაში შექმნილ დაძაბულ ვითარებას. ავღნიშნავთ, რომ გუშინ და დღეს განვითარებული მოვლენები უკვე სერიოზული სისხლისღვრის საფრთხის შემცველია, თუმცა შესაძლებლობა ვითარების დარეგულირებისა, კიდევ არის. ეს არის შესაძლებლობა საყოველთაო მშვიდობის შენარჩუნებისაც.
შევთხოვთ ყოვლადწმინდა სამებას, მშვიდობა მომადლოს უკრაინის მოსახლეობას და მთელ მსოფლიოს.
ღმერთი მშვიდობისა იყოს ყოველთა თანა, ამინ!”
