თურქეთის პრეზიდენტი რეჯეპ ტაეპ ერდოღანი “მიუღებელს” უწოდებს და საერთაშორისო სამართლის დარღვევად აფასებს რუსეთის შეჭრას უკრაინაში.
პრეზიდენტმა სიტყვით გამოსვლისას დაგმო რუსეთის მხრიდან სამხედრო მოქმედება უკრაინაზე.
“ეს ნაბიჯი, რომელიც ეწინააღმდეგება საერთაშორისო სამართალს, დარტყმაა რეგიონის სტაბილურობასა და მშვიდობაზე” , – თქვა ერდოღანმა, რომელმაც, ასევე აღნიშნა, რომ იგი ესაუბრა პრეზიდენტ ვოლოდიმირ ზელენსკის, რომელთანაც დაადასტურა უკრაინის ტერიტორიული მთლიანობის მიმართ მხარდაჭერა.
