უკრაინის პრეზიდენტის ოფისის მრჩეველი, ალექსეი არსტოვიჩი აცხადებს, რომ მას და მის ოჯახს ემუქრებიან ადამიანები, რომლებიც თავს „აზოვის“ მებრძოლების ცოლებად და ნათესავებად წარადგენენ. ამის შესახებ უკრაინული მედია წერს.
„უკვე მეორე დღეა მე და ჩემს ცოლს გვემუქრებიან პირები, რომლებიც ამბობენ, რომ „აზოვის“ მებრძოლების ცოლები და ნათესავები არიან. ჩვენ სიკვდილით დასჯა გველის, მე, ჩემს ცოლსა და ჩვენს შვილებს მოგვკლავენ, დაგვხვრეტენ და არ გვაპატიებენ, რომ კიევში ვსხედვართ და „აზოვი“ ჩამოვწერეთ“, – განაცხადა არესტოვიჩმა.
მან აღნიშნა, რომ მარიუპოლში, „აზოვსტალის“ ქარხანაში „აზოვის“ მებრძოლების გარდა მესაზღვრეები, პოლიცია და სხვა სამხედრო დანაყოფების მებრძოლები რჩებიან და მათი ნათესავები „რატომღაც არავის არაფერში ადანაშაულებენ“.
„დაფიქრდით, ჩემი ნათლული ახლა მარიუპოლში არის. შეიძლება გვინდოდეს, რომ ის იქ დაიღუპოს, ტყვედ ჩავარდეს და ა.შ.? პრეზიდენტის ოფისში ყველას ჰყავს იქ ნათესავები და მეგობრები. მათ, ვინც ამის ბინძურ პოლიტიკურ თამაშში გამოყენებას ცდილობს – არ გამოგივათ. თითოეული მებძოლისთვის, ვიბრძოდით, ვიბრძვით და ვიბრძოლებთ“, – განაცხადა არსტოვიჩმა.
