ქართველი მეზღვაურების გმირობა –მალტის დროშის ქვეშ მცურავ, თურქულ ტანკერზე მყოფმა 18-კაციანმა ეკიპაჟმა, რომელშიც 9 ქართველია 5-ბალიანი შტორმის დროს, ურთულეს პირობებში, 52 ადამიანი გადაარჩინა.
გამოცემა TV25.GE-ის ცნობით, გადარჩენილებს შორის, ორსული და 3 ბავშვია. ისინი, ოკეანის გავლით, აფრიკიდან ესპანეთში გადასვლას ცდილობდნენ.მიგრანტები 3 დღის განმავლობაში, ღია ზღვაში, ტივზე საკვებისა და წყლის გარეშე იმყოფებოდნენ.
შორეულ ნაოსნობაში მყოფმა ქართველმა მეზღვაურებმა, ზაზა ჭაღალიძემ, ზვიად ქობულაძემ, ნუგზარ ბერიძემ, მინდია აბუსერიძემ, კახა ადამიამ, შალვა სვანიძემ, დილარ ცეცხლაძემ, მანუჩარ კობალაძემ და გიორგი ცეცხლაძემ, შტორმისა და ცუდი ხილვადობის პირობებში, საკუთარი სიცოცხლის რისკის ფასად, მათი ბორტზე უსაფრთხოდ აყვანა მოახერხეს. მითითების შესაბამისად, მათ ისევ, აფრიკის სანაპიროებზე დააბრუნებენ.
