უკრაინული ავიაკომპანიის, „მერიდიანის“ აღმასრულებელმა დირექტორმა Deutsche Welle-სთან თვითმფრინავ Antonov-12-ის ავიაკატასტროფაზე ისაუბრა. როგორც დენის ბოგდანოვიჩი ამბობს, ეკიპაჟის რვავე წევრი, რომელიც კატასტროფას ემსხვერპლა, უკრაინის მოქალაქე იყო.
რაც შეეხება ტვირთს, რომელიც სატვირთო თვითმფრინავს გადაჰქონდა – ბოგდანოვიჩიამაზე კომენტარს არ აკეთებს და მხოლოდ იმას ამბობს, რომ „დეტალები ჯერ კიდევ დაზუსტების ეტაპზეა“.
როგორც ის განმარტავს, კატასტროფა ტექნიკური გაუმართაობის გამო მოხდა.
თვითმხილველების თქმით, თვითმფრინავს ცეცხლი ჰაერში გაუჩნდა, რის შემდეგაც, ჩამოვარდა და ადგილზე აფეთქდა.
საბერძნეთში, ავიაკატასტროფის ადგილთან ახლოს მცხოვრებ ადამიანებს მოუწოდეს, დაკეტონ ფანჯრები და დარჩნენ შინ, რადგან, შესაძლოა, თვითმფრინავს საშიში ტვირთი გადაჰქონდა.
თვითმფრინავი Antonov-12, რომელიც უკრაინაში დაფუძნებული კომპანიის – „მერიდიანის“ საკუთრება იყო, სერბეთიდან იორდანიაში მიფრინავდა.
