“უპირველესად, მინდა აღვნიშნო, რომ დღეს ასეთი, გამოყოფილი ფონდი ქვეყანაში არ არსებობს. ამის გამო ხშირად ძნელია ამა თუ იმ პროექტის დაფინანსება კონკრეტულად ამ მიმართულებით. აქ საუბარი იმაზე, რომ შესაბამისი თემები აკუმულირდეს ერთ სივრცეში, სადაც იქნება მთავრობაც, არასამთავრობოებიც, ბიზნესიც და ა.შ. იქნება მუშაობა იმ ყველაფერზე, რაც ამ კუთხით არსებობს”, – ამის შესახებ ტრანსპორტისა და საგზაო უსაფრთხოების საკითხებში ექსპერტმა, გელა კვაშილავამ “თბილისი თაიმსთან” საუბრისას განაცხადა.
კვაშილავამ ქვეყანაში საგზაო უსაფრთხოების ფონდის შექმნის საჭიროებაზე ისაუბრა.
“ეს ხელს შეუწყობს შემდეგს – საზოგადოება იქნება უფრო აქტიური, მათი ჩართულობა იქნება მაღალი, გაჩნდება ადგილობრივი წყაროების დაფინანსების საშუალება და უფრო მდგრადი გახდება ამ მიმართულებით საჭირო, კონკრეტული პროექტების განხორციელება.
დღეს კი არის ნაწილი შეტანილი სხვადასხვა სამინისტროში, მაგრამ ფონდის არსებობის შემთხვევაში საკითხები უფრო აქტიურად იქნება განხილული – იქნება ეს სავარძლების თემა, ღვედების და ა.შ. ეს იქნება სტიმული, რომ ამ მიმართულებით გაიზარდოს საზოგადოების ინტერესი, ასევე – ბიზნესის, მთავრობის, არასამთავრობოების ჩართულობა. ევროპისა და სხვა ქვეყნების გამოცდილებაც გვიჩვენებს, რომ თუ კონკრეტულად ამ მიმართულებით არსებობს ასეთი ფონდი, საიდანაც დაფინანსება ხდება, შედეგები გაცილებით ეფექტურია”, – განაცხადა გელა კვაშილავამ.
