„ზუსტად ვიცი, არ მიყვარს ეს პრანჭვა-გრეხვით ლაპარაკი, ვიცი, რისი გამკეთებელი ვარ, შეიძლება, ორი დღე მეყოს, ჰა, ხუთი დღე შიმშილზე, მაქსიმუმ, ეს ჩემი მდგომარეობაა“, – განაცხადა პარტია „კანონი და სამართლის“ ლიდერმა თაკო ჩარკვიანმა „TV პირველის“ ეთერში, პარლამენტის საპროტესტო სივრცედ გამოყენების შესახებ საუბრისას.
მისივე თქმით, შიმშილობისგანგანსხვავებით, პარლამენტის შენობაში ღამეების გათენების არანაირი პრობლემა არ აქვს.
„რა გაგვიხდა ოპოზიციას, რომ სულ რომ არ მოგვწონდეს ერთმანეთი, არ არის სავალდებულო, მოგწონდეს, ერთ საკითხში მოგვწონს ერთმანეთი – ეს არის დასავლეთი, იმ ერთ საკითხში რომ დავსხდეთ და ყველამ ერთად მივიღოთ გადაწყვეტილება. პარლამენტის გამოყენებაც ამ თვეების განმავლობაში ძალიან საინტერესოდ შეიძლებოდა. იმ პარლამენტში ყველაზე კომფორტულად თავს გრძნობს უმრავლესობა. თუ მაინც და მაინც შიმშილი არ გინდა, ხომ ვიცი, კიდევ ღლიცინს ატეხენ, მაგრამ მაინც ხომ იქამდე მივდივართ, რასაც ვამბობ? აბა, წარმოიდგინეთ, რამდენიც ვართ პარლამენტის შენობაში ოპოზიციონერი, და ამის პრეცედენტი ყოფილი ხელისუფლების დროს იყო, გახსოვთ, მაშინ ახლების პროტესტი იყო, შიგნით პარლამენტშიც რომ გამოიყენო შენობა საპროტესტოდ? თუ ვიღაცას შიმშილობა არ შეუძლია, და აბსოლუტურად გასაგებია, მე კი არავის ვავალდებულებ, ნორმალურია. მაგალითად, მე ორდღიანი ვარ. წნევის ვარდნა ხდება და ვერ ვიტან, მაგრამ სამაგიეროდ აბსოლუტურად არ გამაჩნია პრობლემა, ბევრჯერ მითქვამს, მე, და უკვე ზუსტად ვიცი, ჩემი პარტიის წარმომადგენლები მზად არიან, რომ ისეთი, 160 000 თუ, ადამიანები რომ მოვლენ, პირადად გამოვაცხადებ, ვიტყვი, რომ მე ვრჩები და აბა, ვინ რჩებით ჩემთან ერთად. არ მაქვს არანაირი პრობლემა, რომ იქ ღამე ვათენო და ჩემი პარტიის წარმომადგენლები შემენაცვლებიან, ჩვენი მეგობრები, სანათესაო, შენობის გარეთ, თუ შიგნით. ერთადერთი, უბრალოდ ზუსტად ვიცი, არ მიყვარს ეს პრანჭვა-გრეხვით ლაპარაკი, ვიცი, რისი გამკეთებელი ვარ, შეიძლება, ორი დღე მეყოს, ჰა, ხუთი დღე შიმშილზე, მაქსიმუმ, ეს ჩემი მდგომარეობაა“, – განაცხადა თაკო ჩარკვიანმა.
