რუსეთმა საქართველოს საზღვარზე ერთადერთი სახმელეთო გამშვები პუნქტის – ზემო ლარსის მიმართულებით მოძრაობა მთლიანად დახურა. ამის შესახებ რუსული პროპაგანდისტული მედია წერს.
გამოცემის ცნობით, ამის მიზეზი არის უამინდობა, რის გამოც უსაფრთხო გადაადგილება შეუძლებელი გახდა. აღსანიშნავია, რომ გზა დაიკეტა მხოლოდ რუსეთიდან გამსვლელებისთვის „შემდეგ გაფრთხილებამდე“.
რუსული მედიის ინფორმაციით, ჩრდილოეთ ოსეთის საგანგებო სიტუაციების სამინისტრომ ეს გადაწყვეტილება საქართველოს ტერიტორიაზე ამინდის პირობების გაუარესებით და უსაფრთხო გადაადგილებით ახსნა. „ჩვენ საქართველოს სასაზღვრო პოლიციის რეკომენდაციები გავითვალისწინეთ“ – აცხადებენ სამინისტროში.
