2008 წელს მოკლული გიორგი გამცემლიძის მამა, ჯამბულ გამცემლიძე თბილისში ჩატარებული აქციების მონაწილის, ლაზარე გრიგორიადისის დაკავებას ეხმაურება და სოციალურ ქსელში წერს.
„არაფრის დაწერას ვაპირებდი, მაგრამ ვერ მოვითმინე, ნერვებს ვეღარ ვთოკავ, თუ რამ მეშლება დამიკომენტარეთ რაა, ვხედავ თვალებ დახატულ, თმებშეღებილ და „მანიკურებიან“ ბიჭს რამდენი დამცველი გამოუჩდა, რომელიც იცით რასაც აშავებდა და აღარ მოვყვები, რა ხდება ხალხო, გადავგვარდით თუ „რა ჭირი გვჭირს…
სად იყავით მაშინ, როცა ბუტას, სანდროს, ზურას, ჟვანიას, გურამ შარაძეს, კრიალაშვილს, მოლაშვილს აწამებდნენ და კიდევ 155 მეტ ადამიანს ქუჩაში კლავდნენ, 800 მეტს ციხეებში, მართლა არაფრის გამო იჭრდნენ და ციხეებში აწამებდნენ პატიმრებს, რა ხდება ბატონებო, იქნებ მე გადავირიე და ვიგონებ ამ ყველაფერს, ლამის გული გამისკდეს…“ – წერს ჯამბულ გამცემლიძე.
შეგახსენებთ, რომ ლაზარე გრიგორიადისს, რომელიც 7-9 მარტს თბილისში გამართულ აქციებში მონაწილეობდა, ბრალდება საქართველოს სისხლის სამართლის კოდექსის 353-ე პრიმა მუხლის მეორე ნაწილით (პოლიციელის ჯანმრთელობის ხელყოფა მის სამსახურებრივ საქმიანობასთან დაკავშირებით) და 187-ე მუხლის მეორე ნაწილის „ა“ ქვეპუნქტით (სხვისი ნივთის განადგურება, ცეცხლის წაკიდებით) წარედგინა, რაც სასჯელის ზომად 7-დან 11 წლამდე თავისუფლების აღკვეთას ითვალისწინებს. ის სასამართლომ პატიმრობაში დატოვა.
