საქალაქო სასამართლოში დღეს, 26 მაისთან დაკავშირებულ საქმეზე ვანო მერაბიშვილის პროცესი გაიმართება. პროცესი 12:00 საათზეა ჩანიშნული. დღევანდელ პროცესზე სასამართლო მიიღებს გადაწყვეტილებას წინა პროცესზე დაცვის მხარის მიერ დაყენებულ შუამდგომლობაზე. შუამდგომლობაში დაცვამ მოითხოვა, რომ მტკიცებულებათა ნუსხაში ჩაიდოს ამერიკული კერძო კომპანიის “დენსუსის” დასკვნა 26 მაისის მოვლენებთან დაკავშირებით.
როგორც დაცვის მხარე აცხადებს, იმ შემთხვევაში თუ ეს დასკვნა ჩადებული არ იქნება მტკიცებულებებში, სასამართლო პროცესებს აზრი ეკარგება.
ბრალდების მხარემ წინა პროცესზე სასამართლოს მიმართა, რომ ეს შუამდგომლობა არ დაკმაყოფილდეს, რადგან დასაკითხ მოწმეთა სიაში დაცვის მხარეს დასკვნის ავტორები არ ჰყავს შეყვანილი.
დასაშვებად სცნობს თუ არა მოსამართლე მხარეების მიერ წარმოდგენილ მტკიცებულებებს დღევანდელ პროცესზე გახდება ცნობილი.
27.11.13
