რუსეთში, ბელგოროდის ოლქის ქალაქ შებეკინოში ადმინისტრაციული შენობა იწვის. კადრების ტელეგრამ არხებზე ვრცელდება. ცეცხლი უკიდია შენობის სახურავს.
ბელგოროდის გუბერნატორის, ვიაჩესლავ გლადკოვის ცნობით, შენობას ჭურვი მოხვდა, რასაც ხანძარი მოჰყვა.
„საერთაშორისო საერთო საცხოვრებლის შენობას ცეცხლი გაუჩნდა უშუალოდ ჭურვის დარტყმისგან, ნგრევა კი ადმინისტრაციულ შენობაშია. ქალაქში ელექტროენერგია არ არის“, – აცხადებს გლადკოვი.
