„ნებისმიერი ქმედება,რომელსაც აქ რუსეთი ახორციელებს, უნდა იქნას აღქმული,როგორც მასშტაბური პრობლემა. ეს არის მთლიანად ევროპის უსაფრთხოების პრობლემა. ეს არის ოკუპაციის პოლიტიკა“. რუსეთის აგრესიულ პოლიტიკაზე და საერთაშორისო თანამეგობრობის რეაგირებაზე, სახელმწიფო მინისტრმა სამოქალაქო თანასწორობის საკითხებში, ქეთევან ციხელაშვილმა „მაესტროს“ ეთერში ისაუბრა.
„საოკუპაციო რეჟიმი ყოველდღიურად მიმართავს უკანონო ქმედებას, ე.წ გადასასვლელი პუნქტების დაკეტვას, ადამიანების უკანონო დაკავებას,მიწაზე წვდომის შეზღუდვას. ეს არის მანკიერი პრაქტიკა,როდესაც ე.წ დღესასწაულებთან დაკავშირებით, გადაადგილების თავისუფლების შეზღუდვა და უფრო გამკაცრება ხდება. ამას ჰუმანიტარულად მძიმე გავლენა აქვს ადგილობრივ მოსახლეობაზე.
ჩვენი პარტნიორები არიან ერთსულოვანი და პრინციპულები. აშშ-მა რუსეთს დაუწესა სანქციები,რომ მიუღებელია დესტრუქციული ქმედებები უკრაინასა და საქართველოში. თუმცა, რუსეთი აგრძელებს მის აგრესიულ პოლიტიკას. საქართველოს კონფლიქტის საკითხი სხვადასხვა საერთაშორისო ფორმატებზეა წარდგენილი. აშშ-ის ადმინისტრაციამ უპრეცედენტო მხარდაჭერა აღგვითქვა“ , – განაცხადა ქეთევან ციხელაშვილმა.
მანანა ღოღობერიძე
