“მესაზღვრეები ჩვენს მებრძოლებს ეხუტებოდნენ” – პრიგოჟინი ამბობს, რომ როსტოვში შედიან

კერძო სამხედრო კომპანია ვაგნერის დამფუძნებელი ევგენი პრიგოჟინი ამბობს, რომ როსტოვში შედიან. ტელეგრამ არხზე მისი მორიგი აუდიოჩანაწერი გავრცელდა.

“მესაზღვრეები გამოდიოდნენ და ჩვენს მებრძოლებს ეხუტებოდნენ, ახლა შევდივართ როსტოვში. თავდაცვის სამინისტროს დანაყოფები, უფრო სწორად კი ახალწვეულები, რომლებიც მიაგდეს ჩვენს შესაკავებლად, გვერდზე გადგნენ. ჩვენ არ ვებრძვით ბავშვებს, ჩვენ არ ვკლავთ ბავშვებს, ბავშვებს კლავს შოიგუ, როცა გაუწვრთნელ ჯარისკაცებს ომში უშვებს. ჩვენს წინააღმდეგ 18 წლის ბიჭები დააყენა. ჩვენ მხოლოდ პროფესიონალებს ვებრძვით. თუ ვიღაც ჩვენს გზაზე დადგება, ყველაფერს გავანადგურებთ. რაც შეეხება განცხადებებს დაპატიმრებებზე – ძმობა, სამართალი, ღირსება და სინდისი – ესაა, რაც ჩვენ გვაქვს. როდესაც განცხადებებს აკეთებს, ეს გრძნობები არ გაქვთ”, – ამბობს პრიგოჟინი.