თანამედროვე რეალობა მაქსიმალურად არის მორგებული – ყოველდღიურობა იყოს გაცილებით მარტივი, ამასთანავე – სახალისო. სწორედ ის არის მიზეზი, რის გამოც „გუგუნი“ არსებობს. პროდუქტი, რითაც ის საზოგადოებამ გაიცნო, დასაკეცი მაყალია. თუმცა, საქმიანობის სპეციფიკიდან და მზარდ მომართვიანობასთან ერთად, ადამიანებისთვის მეტი პროდუქტის შეთავაზება იგეგმება. სამომავლო გეგმებსა და მიმდინარე აქტივობებზე, „თბილისი თაიმსს“ ნათია მაღლაკელიძე ესაუბრა.
კონკრეტულად, რას საქმიანობთ?
„გუგუნის“ საქმიანობა მთლიანად განისაზღვრება ადამიანებისათვის სასიამოვნო და კომფორტული გარემოს შექმნით, ის ადამიანებს სთავაზობს პროდუქტებს, რომლებიც ეხმარება მათ, მაქსიმალურად კომფორტულად გაატარონ საოჯახო და მეგობრული შეკრებები. პირველ ყოვლისა, ჩვენი პირველი პროდუქტი, რომლითაც წარვდექით ადამიანების წინაშე, იყო დასაკეცი მაყალი, მაყალს ახლო მომავალში დაემატება სხვადასხვა დიაზიანის კომფორტული მაგიდები, სკამები და ა.შ.
საქართველოს სრულად მოიცავთ?
ჩვენი კომპანიის მთავარ ამოცანას საქმიანობის დასაწყისშივე წარმოადგენდა ის, რომ გვინდოდა, ჩვენი პროდუქცია ნებისმიერი ადამიანისთვის ყოფილიყო ხელმისაწვდომი, საქართველოს ნებისმიერ წერტილში. დღესდღეობით გვაქვს საკურიერო მომსახურება, რომელიც საშუალებას გვაძლევს, შეკვეთიდან ორ-სამ დღეში მივაწოდოთ პროდუქცია საქართველოს ნებისმიერ წერტილში.
როგორ შეაფასებთ – რით არის გამორჩეული თქვენი საქმიანობა?
ჩვენს საქმიანობას რამდენიმე მიზეზის გამო გამოვარჩევდით, პირველი და ყველაზე მნიშვნელოვანია ადამიანებთან ურთიერთობები, რომლებთანაც დღემდე ვინარჩუნებთ მეგობრულ კავშირებს, ჩვენი პროდუქციით კი ვხდებით მათი ცხოვრების და ისტორიების ნაწილი. მეორე და ასევე ჩვენთვის მნიშვნელოვანი მიზეზი, რატომაც გამოვარჩევდით ჩვენს საქმიანობას, არის ის, რომ ჩვენს მომხმარებლებთან ერთად ხელს ვუწყობთ საქართველოში ბარბექიუ კულტურის ჩამოყალიბებას და დახვეწას.
ამ მხრივ, კონკურენციას როგორ შეაფასებთ?
ჩვენი კონკურენტებისგან განსხვავებით, მომხმარებლებს ვთავაზობთ მათზე მორგებულ პროდუქტებს, ადამიანებს შეუძლიათ – დაამზადონ მათზე მორგებული, სასურველი დიზაინის პროდუქტები, რაც ნამდვილად გამოგვარჩევს კონკურენტებისგან. აუცილებლად აღსანიშნავია ისიც, რომ ჯანსაღ კონკურენციას მივესალმებით და რაც უფრო მეტი კომპანია იქნება ქვეყანაში, მომხმარებლებზე მორგებული და ორიენტირებული, ჩვენ მხოლოდ და მხოლოდ მივესალმებით ამ პროცესს.
რამდენად ხშირად სთავაზობთ საზოგადოებას სიახლეებს?
სიახლეები ჩვენი საქმიანობის განუყოფელი ნაწილია. გვსურს, მომხმარებლებს მუდმივად შევთავაზოთ სიახლეები. ჩვენი პროდუქტებისთვის სულის ხელახალი შთაბერვა ჩვენთვის გამოწვევა იყო საქმიანობის დასაწყისშივე, მოგვიწია, შეგვექმნა განსხვავებული და ქართული იდენტობისთვის დამახასიათებელი დიზაინები, რომლებიც იქნებოდა მორგებული როგორც ახალგაზრდებზ, ასევე, უფროს ადამიანებზე. დღესდღეობით, ვამზადებთ სხვადასხვა პროდუქტის დიზაინს, რომლითაც უფრო დახვეწილს და კომფორტულს გავხდით ქართულ ბარბექიუ კულტურას ჩვენს ქვეყანაში.