სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში ალექსი პეტრიაშვილი, დღეს, სამეთაურო-საშტაბო სკოლის კურსანტებს შეხვდა.
თავდაცვის სამინისტროს ინფორმაციით, სახელმწიფო მინისტრმა მსმენელებს საქართველოს საგარეო პოლიტიკის პრიორიტეტულ მიმართულებებზე ჩაუტარა ლექცია.
ალექსი პეტრიაშვილმა ეროვნული პროგრამაზე, ნატო-საქართველოს კომისიასა და მის ფარგლებში გამართულ შეხვედრებზე გაამახვილა ყურადღება. მინისტრი ასევე, შეეხო საქართველოსთვის ევროკავშირთან თავისუფალი ვაჭრობის შეთანხმების მნიშვნელობასა და ჩრდილო-ატლანტიკური საბჭოს ვიზიტს საქართველოში.
ლექციის შემდეგ, შეხვედრა კითხვა-პასუხის რეჟიმში გაგრძელდა. სახელმწიფო მინისტრს მსმენელებმა კითხვები ევროკავშირთან შესაძლო უვიზო მიმოსვლის დადებით და უარყოფით მხარეებზე, უკრაინაში განვითარებულ მოვლენებსა და საქართველოს ოკუპირებულ ტერიტორიებზე არსებული სიტუაციის შესახებ დაუსვეს.
25.12.13
