უკრაინაში ქართულ ლეგიონში მამუკა მამულაშვილი იბრძვის.
“14 წლის იყო, როდესაც აფხაზეთის ომში იბრძოდა. აფხაზეთიდან მოყოლებული ყველა რუსული აგრესიის წინააღმდეგ იბრძოდა“. –
აფხაზეთში მომხდარ ამბებს მამუკა მამულაშვილი დოკუმეტურ ფილმში „იმედის გმირები“ იხსენებს და ამბობს:
„ისეთი სულიერი ამბავი გაქვს, რომ არ იცი ვინ არის და ვის ბარდები. თუ ტყვედ არ ხარ ნამყოფი, არ იცი, ვის ეომები.
ტყვეობის პერიოდში რაც მახსოვს, ყველაზე დამამცირებელი ის იყო, რომ ისეთი ადამიანები იყვნენ, ვინც იქ არ უნდა ყოფილიყვნენ და საერთოდ არანაირი შეხება არ აქვთ იმ მიწასთან, რის გულისთვისაც ჩვენ ვომობდით.
დამცირების ატანა ისეთი ადამიანისგან, ვინც იცი, რომ ელემენტარულად მეომარიც არაა და ფულის გულისთვის აკეთებს ამას, საკმაოდ მძიმე იყო“. – იხსენებს ომის ამბებს მამუკა მამულაშვილი.
ის ასევე ამბობს, რომ შეიძლებოდა აფხაზეთში ყველაფრის უსისხლოდ მოგვარება.
„იმ დროს საქართველოს არ ეყო იმის დიპლომატია, რომ ეს ომი უსისხლოდ გადაეწყვიტა. ყველაფერმა რიგით ქართველებზე გადაიარა. მგონია, რომ რაღაცები საგრძნობლად შეიცვლება. რადგან არ ვართ ბოროტი ხალხი და შეიძლება, ბევრი რამ ვაპატიოთ.
არც ჩვენ ვართ უმანკოები და ბევრი რამ საპატიებელი გვაქვს“. – ამბობდა წლების წინ მამუკა მამულაშვილი.
