საქართველოს პრემიერ-მინისტრი ირაკლი ღარიბაშვილი 27 თებერვალს ვიზიტით რუმინეთს ეწვევა, – ამის შესახებ საქართველოს და რუმინეთის საგარეო საქმეთა მინისტრების, თამარ ბერუჩაშვილისა და ბოგდან აურესკუს შეხვედრის შემდეგ გამართულ ერთობლივ პრესკონფერენციაზე გახდა ცნობილი.
როგორც მინისტრებმა აღნიშნეს, ირაკლი ღარიბაშვილის რუმინეთში ვიზიტისას განსახილველ თემებს შორის იქნება საქართველო-რუმინეთის ორმხრივი ურთიერთობები, მათ შორის ეკონომიკური მიმართულებით, უფრო კონკრეტულად კი საუბარი შეეხება ბათუმსა და კონსტანცას შორის საბორნე მიმოსვლის აღდგენას, საქართველოს, როგორც სატრანსპორტო კორიდორის გაძლიერების მნიშვნელობას.
