დოდონა ნამორაძე ჟურნალ „გზასთან“ საყვარელი წიგნებისა და ავტორების შესახებ საუბრობს. მომღერალი ამბობს, რომ 4 წლიდან უკვე სამ ენაზე, ქართულად, რუსულად და ინგლისურად შეეძლო კითხვა.:
„დღემდე ყველაფერს სწრაფად ვკითხულობ, ოღონდ ძველებურად სწრაფად ვეღარ, რადგან ხშირი კითხვის პრაქტიკა აღარ მაქვს. თუნდაც მაშინ, როცა საჯაროდ ვთქვი, 6 თვეში 500 წიგნი წავიკითხე-მეთქი, მეკითხებოდნენ, როგორ შეძელიო? ერთ საათში ერთ წიგნს (400 გვერდი) ჩვეულებრივად ვკითხულობდი ინგლისურად, რადგან ხაზებად, მარცხნიდან მარჯვნივ არ ვკითხულობ, აბზაცს რომ შევხედავ, გონებაში თავისით შედის ყველა სიტყვა… არსებობენ ადამიანები, ვინც მთელ გვერდს შეხედავს და კითხულობს, მე გვერდს ვერა, მაგრამ აბზახების, გვერდის მესამედის წაკითხვა უცებ შემიძლია. არ ვამჟღავნებდი, რომ ეს უნარი მქონდა. ამის შესახებ პირველად, 2-3 წლის წინ მამაჩემს ვუთხარი. სიცილი დაიწყო, მეც ასე ვკითხულობო (იღიმის). ალბათ, ეს გენეტიკური უნარია…“
