საზოგადოებრივი მაუწყებლის სამეურვეო საბჭოს შესარჩევად, შესაძლოა, კონკურსი ხელახლა გამოცხადდეს. ამის მიზეზი წინასწარი შერჩევის კომისიის მიერ პარლამენტში გაგზავნილი 27-კაციანი სიაა, რომელსაც მმართველი გუნდის წევრთა ერთი ნაწილი იწუნებს.
ამ ეტაპზე ერთი კანდიდატი უკვე შერჩეული ჰყავს სახალხო დამცველს, ომბუდსმენის მიერ დასახელებული კიდევ ერთი კანდიდატი პოლიტიკური მეცნიერების პროფესორი მარინა მუსხელიშვილია. იგი არასამთავრობო ორგანიზაცია “საზოგადოების კვლევის ცენტრის” დირექტორია, 2013 წლის სექტემბრიდან საზოგადოებრივი მაუწყებლის გენერალური დირექტორის მრჩეველი. მას პარლამენტის გადაწყვეტილებამდე კომენტარის გაკეთება არ სურს.
საქართველოში არ იმყოფება უმრავლესობის მიერ დასახელებული ჯერჯერობით. ერთადერთი კანდიდატი ნათელა სახოკია, რომელიც კომპიუტერული სისტემების სპეციალისტი და რამდენიმე პროექტის დირექტორია.
“ქართული ოცნების” წევრები საკონკურსო კომისიის მიერ შერჩეული 27-კაციანი სიით უკმაყოფილოები არიან. უმრავლესობის დეპუტატები უკვე წინასწარ ამბობენ, რომ, შესაძლოა, მეურვეების შესარჩევი კონკურსის თავიდან გამოცხადება გახდეს საჭირო.
26.12.13
