ჯერ კიდევ ახლო წარსულში ზაფხულის სიცხეებში გასაგრილებლად სველი პირსახოცი და ღია ფანჯარა გამოიყენებოდა. თუმცა, ტექნოლოგიური პროგრესი თავისას აკეთებს— ძველი მეთოდების ნაცვლად, ახლა გვთავაზობენ კლიმატის კონტროლის მრავალფეროვან მოწყობილობებს ცხელ სეზონში კომფორტული ტემპერატურის შესაქმნელად. ზოგიერთი მათგანის სწრაფად აწყობა და დაკავშირება არის შესაძლებელი, ზოგი კი პროფესიონალურ ინსტალაციას მოითხოვს.
სახლისა და ოფისის გასაგრილებლად ყველაზე ხშირად გამოიყენება:
• სპლიტ სისტემები (კონდიციონერები);
• პორტატული კონდიციონერები;
• იატაკისა და მაგიდის ვენტილატორები.
მოცემულ სტატიაში ჩვენ განვიხილავთ თითოეული ტიპის მოწყობილობის დადებით და უარყოფით მხარეებს.
სპლიტ სისტემა
თუ თქვენ განიხილავთ მოწყობილობას რეგულარული გრძელვადიანი გამოყენებისთვის სახლში ან ოფისში, დაფიქრდით სპლიტ სისტემის დამონტაჟებაზე. ხშირად მათ უბრალოდ კედლის კონდიციონერებს უწოდებენ. ისინი უზრუნველყოფენ ოთახში სასურველი ტემპერატურის შექმნასა და შენარჩუნებას დღის ნებისმიერ დროს. მოდელიდან გამომდინარე, მათი ფუნქციონირება შეიძლება ოდნავ განსხვავდებოდეს, მაგრამ მნიშვნელოვანია, რომ მოწყობილობას ჰქონდეს 2 ძირითადი ფუნქცია — გაგრილება და გათბობა.
კონდიციონერებს შეუძლიათ არა მხოლოდ სასიამოვნო სიგრილის შექმნა ცხელ ამინდში, არამედ გახდნენ ოთახის გათბობის ერთ-ერთი წყარო ზამთრის სეზონზე. ამ მოწყობილობების შესარჩევად, გირჩევთ, რომ მოინახულოთ celsiusi.ge , რომელიც თანამედროვე სპლიტ სისტემების ფართო არჩევანს გთავაზობთ.
სპლიტ სისტემები საჭიროებს სპეციალურ ინსტალაციას და მათი ღირებულება უფრო მაღალია, ვიდრე სხვა კლიმატკონტროლის მოწყობილობების ჰაერის გაგრილებისთვის. მნიშვნელოვანია გვახსოვდეს, რომ კონდიციონერი ამცირებს ჰაერის ტენიანობას ოთახში, ამიტომ აუცილებლად ჩართეთ დამატენიანებელი, რათა ჰაერის ტენიანობის დონე 40–60%-მდე შენარჩუნდეს.
პორტატული კონდიციონერი
პორტატული კონდიციონერები ყველაზე ხშირად გამოიყენება, როგორც დროებითი გადაწყვეტა საცხოვრებელი და საოფისე შენობებისთვის. ეს მოწყობილობები ძირითადად მხოლოდ გაგრილებისთვის გამოგადგებათ, მაგრამ არსებობს მოდელები დამატებითი გათბობის ფუნქციით.
პორტატული კონდიციონერი შეიძლება სწრაფად და სპეციალისტის დახმარების გარეშე მომზადდეს ექსპლუატაციისთვის — მას მოყვება ყველა აუცილებელი ელემენტი. ასევე, საჭიროების შემთხვევაში, შესაძლებელია მისი სწრაფად გადატანა ოთახიდან ოთახში.
პორტატული კონდიციონერი უფრო იაფია, ვიდრე სპლიტ სისტემა და არ საჭიროებს სპეციალურ მონტაჟს, მაგრამ რადგან ის იატაკზე დასადგამია, ოთახის გამოსაყენებელი ფართობის ნაწილს იკავებს. ცივ სეზონში ამ მოწყობილობის შესანახად ასევე დამატებითი ფართი დაგჭირდებათ.
ვენტილატორი
იატაკისა და მაგიდის ვენტილატორები უზრუნველყოფენ გრილი ჰაერის სასიამოვნო ნაკადს როგორც სახლში, ასევე ოფისში. საჭირო სიჩქარის შერჩევისა და ჰაერის ნაკადის რეგულირების შესაძლებლობის წყალობით, შეგიძლიათ სწრაფად შექმნათ კომფორტული პირობები ოთახში.
ბაზარზე არსებობს ვენტილატორების დიდი რაოდენობა სხვადასხვა ფასების დიაპაზონში, ფერში და დიზაინში — შეგიძლიათ აირჩიოთ მოდელი, რომელიც მოერგება ყველანაირ გემოვნებას.
უარყოფითი მხარეები: ზაფხულის სიცხეეების შემდეგ ვენტილატორის დაშლა და მომავალ წლამდე სადმე შენახვა მოგიწევთ. თქვენ ასევე მოწყობილების გამოყენებას ვერ შეძლებთ ძალიან მაღალი ტემპერატურის პირობებში, რადგან ვენტილატორი მხოლოდ ჰაერის ნაკადს უშვებს, მაგრამ არ უზრუნ
ველყოფს მის გაგრილებას.
