სამხრეთ სუდანზე, სადაც ორ კვირაში დაახლოებით 1000 ადამიანი დაიღუპა, სამოქალაქო ომის აღკვეთისათვის საერთაშორისო ზეწოლა იზრდება. აფრიკის ქვეყნებმა მხარეებს ცეცხლის შეწყვეტისათვის წლის დასაწყისამდე ვადა მისცეს. შეტაკებების გამო 63 ათასი ადამიანი გაეროს დასახლებებშია თავშეფარებული. ქვეყანაში ხშირია ადამიანის უფლებების დარღვევის ფაქტები. ევროკავშირმა და სამხრეთ სუდანის მოსაზღვრე ქვეყნებმა სახელმწიფოს მეთაურს სილვა კიირსა და გადატრიალების მცდელობაში დადანაშაულებულ ყოფილ ვიცეპრეზიდენტს მაჩარს მოუწოდეს ყოველგვარი წინასწარი პირობის გარეშე მიუსხდნენ მოლაპარაკების მაგიდას და მიაღწიონ ცეცხლის შეწყვეტას. უგანდას სახელმწიფოს მეთაური შუამავლის როლის შესასრულებლად სამხრეთ სუდანში ჩასასვლელად ემზადება. მაჩარის დაქვემდებარებაში მყოფ სამხედროებს კონტროლი აქვთ დამყარებული ჯონგლის შტატის დედაქალაქ ბორსა და ზემო ნილის შტატის დედაქალაქ მალაკალას ნახევრაზე. ორივე შტატი ნავთობის საბადეობითაა მდიდარი. სახელმწიფოს მეთაურმა სალვა კიირმა პარასკევს ყოფილ ვიცეპრეზიდენტს მაჩარს ცეცხლის შეწყვეტა შესთავაზა და განაცხადა, რომ მაჩართან დაახლოებული დაკავებული 11 პოლიტიკოსიდან რვას გაათავისუფლებდა. მაჩარმა ცეცხლის შეწყვეტაზე უარი განაცხადა, კიირმა კი დაიმუქრა, რომ მაჩარის წინააღმდეგ ფართომაშტაბიან ოპერაციას განახორციელებს. 30.12.13