მსოფლიოს შვიდგზის ჩემპიონის მიხაელ შუმახერის ჯანმრთელობის მდგომარეობა კვლავ სტაბილურია. ინფორმაციას გერმანელი მრბოლელის მენეჯერი საბინა კემი ავრცელებს.
“წითელ ბარონს” გრენობლის საავადმყოფოში სამშაბათს მეორე ოპერაცია გაუკეთეს, რის შემდეგაც პაციენტის მდგომარეობა გაუმჯობესდა.
მედიისთვის საავადმყოფოს კარი ჩაკეტილია. კლინიკის ხელმძღვანელობამ ყოველდღიური პრესკონფერენციების ჩატარებაც შეწყვიტა.
ჟურნალისტებს ინფორმაციას მხოლოდ ერთ შემთხვევაში – შუმახერის ჯანმრთელობის მდგომარეობის მკვეთრი ცვლილების შემთხვევაში მიაწოდებენ.
შუმახერი რამდენიმე დღის წინ საფრანგეთში, კურორტ მერიბელში თხილამურებით სრიალისას დაეცა. ექიმებმა მას თავის ტვინის დაზიანება დაუდგინეს.
03.01.14
