სურსათის ეროვნულმა სააგენტომ შპს „ლესელიძე – 2014-ში” კრიტიკული შეუსაბამობები გამოავლინა, რის გამოც საშაურმეს საწარმოო პროცესი შეუჩერა და 1000 ლარით დააჯარიმა.
როგორც სააგენტოდან „თბილისის თაიმსს“ აცნობეს, არაგეგმური ინსპექტირება შპს „ლესელიძე – 2014-ში” მას შემდეგ განხორციელდა, რაც დაავადებათა კონტროლის ეროვნული ცენტრიდან შემოვიდა შეტყობინება რამდენიმე ადამიანის მწვავე ინტოქსიკაციის შესახებ. პაციენტთა განცხადებით, მოწამვლის მიზეზი გახდა თბილისში,ლესელიძის N12-ში შეძენილი შაურმა.
ამასთან, სურსათის ეროვნული სააგენტოს თბილისის სამმართველოს წარმომადგენლებმა აიღეს შაურმის ნიმუშები და შესამოწმებლად ლაბორატორიას გადაუგზავნეს. კვლევის შედეგები რამდენიმე დღეში გახდება ცნობილი.
09.01.13
