თბილისის საკრებულოსა და ჩინეთის ერთ–ერთ უმსხვილეს სავაჭრო-სამრეწველო ქალაქ გუანგჯოუს შორის ურთიერთთანამშრომლობის განმტკიცების მემორანდუმი გაფორმდა. დოკუმენტს თბილისის საკრებულოს თავმჯდომარემ ირაკლი შიხიაშვილმა და ქალაქ გუანჯოუს მერმა ჩენ ჯია ჰუანმა მოაწერეს ხელი. როგორც მხარეებმა განაცხადეს, აღნიშნული მემორანდუმი ჩინურ და ქართულ მხარეებს შორის მჭიდრო ეკონომიკური კავშირების დამყარების საფუძველი გახდება. „გაიმართა ძალიან მნიშვნელოვანი შეხვედრა ჩინეთის ერთ–ერთ უმსხვილეს სავაჭრო-სამრეწველო ქალაქ გუანჯუოს მუნიციპალიტეტის ხემძღვანელთან და მხარეებს შორის ხელი მოეწერა ურთიერთობის და თანამშრომლობის განმტკიცების თაობაზე მემორანდუმს. აღნიშნული დოკუმენტი ქმნის იმის საფუძველს, რომ ქართულ და ჩინურ მხარეებს შორის ჩამოყალიბდეს მყარი ეკონომიკური კავშირები, რაც თავისთავად ნიშნავს ტურიზმის, ინფრასტრუქტურული პროექტების, ქალაქგეგმარების კუთხით და სხვა მნიშვნელოვან სფეროებში ორ ქალაქს და ორ ქვეყანას შორის აქტიურ თანამშრომლობას“, – განაცხადა ირაკლი შიხიაშვილმა.
ვიზიტის ფარგლებში ქართული მხარე გუანდუნის პროვინციის ხელმძღვანელობასაც შეხვდება.
თბილისის საკრებულოს თავმჯდომარის ინიციატივით ჩინურ მხარეს მიეწოდა წინადადება, მიმდინარე წელს თბილისსა და უანგუოპში განხორციელდეს ორმხრივი ეკონომიკური და სავაჭრო გამოფენები, რომელთა მიზანი, ექსპორტ– იმპორტის მაჩვენებლის გაზრდა და ორ ქვეყანას შორის ეკონომიკური კავშირების გაღრმავება იქნება.
ქართული დელეგაცია თბილისის საკრებულოს ხელმძღვანელის ირაკლი შიხიაშვილის თავმჯდომარეობით ჩინეთს 2 დღის წინ ეწვია და თბილისში 18 იანვარს დაბრუნდება.
14.01.14
