ქობულეთში, ზღვაში, ახალგაზრდა კაცის ცხედარი იპოვეს და ის წყლიდან უკვე ამოასვენეს, – ამის შესახებ ინფორმაცია საგანგებო სიტუაციების მართვის სამსახურში დაადასტურეს.
ზღვაში, ახალგაზრდის გაუჩინარების შესახებ ინფორმაცია თავდაპირველად სოციალურ ქსელში გავრცელდა. თვითმხილველების ცნობით, თავდაპირველად ზღვაში 2 ახალგაზრდა იყო შესული. ერთმა გამოსვლა მოახერხა, მეორეს კი მაშველები ეძებდნენ.
არსებული ინფორმაციით, ახალგაზრდები უცხო ქვეყნის მოქალაქეები არიან.
