ბულგარეთში იპოვეს 17 წლის განმავლობაში ძებნილთა სიაში მყოფი მამაკაცი, რომელიც 12 წლის განმავლობაში გარდაცვლილად ითვლებოდა.
ბულგარეთის სამხრეთ-დასავლეთით, პირინის მთებში მდებარე ეროვნული პარკის ადმინისტრაციის თანამშრომლების მიერ რუტინული შემოწმების დროს მამაკაცი აკრძალულ ზონაში, კარავში აღმოაჩინეს.
17 წლის წინ დაკარგული, 12 წლის წინ გარდაცვლილად გამოაცხადეს
მედიის ცნობით, როდესაც ოფიცრებმა მისი დოკუმენტების შემოწმება სცადეს, ეჭვმიტანილი აგრესიული გახდა, რის გამოც პოლიციის გამოძახება გახდა საჭირო.
მამაკაცი, რომელსაც პირადობის დამადასტურებელი საბუთი არ ჰქონდა, ბანსკოს რაიონის პოლიციის დეპარტამენტში გადაიყვანეს. გამოძიების შედეგად დადგინდა, რომ ეს მამაკაცი 2008 წელს ეროვნულ და საერთაშორისო ძებნილთა სიაში იყო და 2013 წელს გარდაცვლილად გამოაცხადეს.
„ის წლების განმავლობაში მთებში ცხოვრობდა“
პირინის ეროვნული პარკის დირექტორმა როზენ ბანენსკიმ პრესკონფერენციაზე განაცხადა: „როგორც ჩანს, ეს კაცი, რომელიც რუსეს მკვიდრად არის იდენტიფიცირებული, მრავალი წლის განმავლობაში მთებში განმარტოებით ცხოვრობდა. პარკის თანამშრომლების წყალობით, მისი ვინაობა ახლა დადგენილია“.პირინის მთები, რომლებიც ბულგარეთის, საბერძნეთისა და ჩრდილოეთ მაკედონიის საზღვრებთან ახლოს მდებარეობს, 2,914 მეტრის სიმაღლეზეა და ქვეყანაში სიმაღლით მეორე მწვერვალია. დაახლოებით 40,000 ჰექტარი ფართობი, სადაც მთები მდებარეობს, ეროვნულ პარკად გამოცხადდა და 1983 წელს იუნესკოს მსოფლიო მემკვიდრეობის სიაში შეიტანეს. პირინის ეროვნული პარკი, რომელიც ცნობილია თავისი მყინვარული ტბებით, ჩანჩქერებით, გამოქვაბულებითა და წიწვოვანი ტყეებით და მტაცებელი ცხოველების საცხოვრებელი ადგილია.
