ბროკოლი ერთ-ერთ ყველაზე ძლიერი კიბოსგან დამცავი ბოსტნეულია, რომლის დამატებაც ყოველდღიურ კვებაში შეგიძლიათ. კვლევების მიხედვით,ბროკოლის მიღება კვირაში 3–5-ჯერ მნიშვნელოვნად ამცირებს ძუძუს, პროსტატის და მსხვილი ნაწლავის კიბოს განვითარების რისკს. ეს ეფექტი განპირობებულია ბროკოლში არსებული უნიკალური ბიოაქტიური ნაერთებით, განსაკუთრებით სულფორაფანით და ინდოლ-3-კარბინოლით. ეს ნივთიერებები აქტიურად აფერხებს პათოლოგიური უჯრედების ზრდას და აძლიერებს ორგანიზმის ბუნებრივ დეტოქსიკაციის მექანიზმებს.
სპეციალისტების თქმით, აღნიშნული ნაერთები ანეიტრალებს კარცინოგენებს მანამდე, სანამ ისინი დნმ-ს დააზიანებს, ააქტიურებს გენებს, რომლებიც პასუხისმგებელია უჯრედის აღდგენასა და კონტროლირებულ „თვითგანადგურებაზე“. ასევე ეხმარება ორგანიზმს, დროულად ამოიცნოს და გაანადგუროს არასრულფასოვანი უჯრედები. მარტივი სიტყვებით რომ ვთქვათ, ბროკოლი ეხმარება „არაჯანსაღ“ უჯრედებს, თვითონვე შეწყვიტონ არსებობა, სანამ ისინი საფრთხედ გადაიქცევა.
ამასთან ერთად, ბროკოლი მდიდარია ბოჭკოთი, რომელიც აუმჯობესებს ნაწლავების მუშაობას, ანტიოქსიდანტებით, რომლებიც ამცირებს ანთებით პროცესებს, ვიტამინებითა და მიკროელემენტებით, რომლებიც ხელს უწყობს ჰორმონულ ბალანსს, რაც მნიშვნელოვანი ფაქტორია ძუძუსა და პროსტატის კიბოს პრევენციაში.
ბროკოლის ძალა სწორედ მის სიმარტივეშია, არ არის საჭირო დანამატები, ან ეგზოტიკური სანელებლები. ოდნავ ორთქლზე მომზადებული, მსუბუქად მოთუშული, ან სუპებსა და ბოულებში დამატებული ბროკოლი ორგანიზმში ქმნის გარემოს, სადაც ჯანსაღი უჯრედები ძლიერდება, ხოლო საშიში, – ვერ ვითარდება.
