კიევის საპატრიარქოს უკრაინის მართლმადიდებელი ეკლესიის მეთაური ფილარეტი უკრაინის პრეზიდენტის, ვიქტორ იანუკოვიჩის ორდენზე უარს აცხადებს. როგორც უკრაინული მედია იუწყება, ფილარეტმა უარი თქვა ქვეყნის წინაშე დამსახურებისთვის პირველი ხარისხის ორდენზე, რომელიც მას 85 წლის იუბილესთან დაკავშირებით უნდა გადასცემოდა.
“იმ პირობებში, რომელიც დღეს უკრაინაშია, როდესაც ხალხი დაიღუპა და კიევის ცენტრში გრძელდება დაპირისპირება, ჩემი თხოვნა იქნება არ გადმომცეთ ჯილდოები. ჩემს ამ გადაწყვეტილებას ასევე მხარი დაუჭირეს წმინდა სინოდის წევრებმა და არქიეპისკოპოსებმა, რომლებიც დღეს კიევში შეიკრიბნენ”,-განაცხადა პატრიარქმა ფილარეტმა.