უკრაინის ოპოზიციასა და პრეზიდენტ ვიქტორ იანუკოვიჩის მორიგი შეხვედრა დაახლოებით 1 საათში დაიწყება. ამის შესახებ პარტია “უდარ”-ის ლიდერმა ვიტალი კლიჩკომ სამართალდამცავებთან მოლაპარაკებების შემდეგ განაცხადა.
ამასთან, კლიჩკომ, ოპოზიციის ლიდერებისა და პრეზიდენტის შეხვედრის მიმდინარეობისას მომიტინგეებს თავდასხმებისგან თავის შეკავება სთხოვა.
როგორც კლიჩკო ვარაუდობს, ოპოზიციის ლიდერების პრეზიდენტთან მოლაპარაკებები საღამოს რვა საათამდე გასტანს, რის შემდეგაც ის გრუშევსკიზე მივა და აქტივისტებს შეხვედრის შედეგებს გააცნობს.
ვიტალი კლიჩკომ აღნიშნა, რომ “ბერკუტთან” შეტევის შეწყვეტის შეთანხმებას უკვე მიაღწია.
ოპოზიციისა და პრეზიდენტის შეხვედრის პირველი რაუნდი გუშინ გაიმართა. შეხვედრა 3 საათს გაგრძელდა.
23.01.14
