დაძაბულ პოლიტიკურ თუ ეკონომიკურ ფონზე ”თბილისი თაიმსმა” გადაწყვიტა მკითხველის ყურადღება სასიამოვნო თემაზე გადაეტანა, ჩვენი ამ კვირის ბლიც-გამოკითვა განსაკუთრებით სასიამოვნო იქნება ქალბატონებისთვის და არა მარტო მათთვის. ბლიც- გამოკითვა ეხება კოსმეტიკასა და პარფიუმს. ”თბილისი თაიმსი” დაინტერესდა თუ რა ასორტიმენტს სთავაზობს პარფიუმერული კომპანიები მომხმარებელს, რომელი სუნამოებია მოთხოვნადი, რა ტენდენცია შეინიშნება გაყიდვებში და რა თანხის ფარგლებში შეუძლიათ მომხმარებლებს შენაძენის გაკეთება.
გამოიკითხა საქართველოს ბაზარზე არსებული – 7 პარფიუმერული კომპანია, როგორც პირდაპირი, ასევე ქსელური მარკეტინგის წარმომადგენლები. გამოკითვამ აჩვენა, რომ მომხმარებლებს შენაძენის გაკეთება ერთი ლარიდან შეუძლიათ, ხოლო მაქსიმალური ფასი პარფიუმზე 2000 ლარია. გამოკითული კომპანიებიდან 4 აცხადებს, რომ გაყიდვები წინა წელთან შედარებით სტაბილურია, 2 კომპანია კი გაყიდვების შემცირებაზე საუბრობს, ხოლო ეღტი კომპანია პირიქით, აცხადებს, რომ გაყიდვები გაიზარდა. კომპანიები ლარის კურსის ცვალებადობის მიუხედავად ძველი ფასის შენარჩუნებას ცდილობენ.
გთავაზობთ ბლიც-გამოკითხვის შედეგებს:
ისი პარი : ”ჩვენი მაღაზიათა ქსელი ქალის ყველაზე მოთხოვნადი სუნამოა – ვერსაჩეს – yellow Diamond, ხოლო მამაკაცის- Wildblue Noir. ჩვენს ქსელში 150-ზე მეტი პარფიუმერული ბრენდია წარმოდგენილი. ისი პარის ძალიან ბევრი ცნობადი სახე სტუმრობს, თუმცა მათი ინტერესებიდან გამომდინარე სახელებს არ დავასახელებ. ბაზარზე ჩვენი მთავარი კონკურენტები არიან „ვულე-ვუ“ და „ლუტეცია“. რაც შეეხება გაყიდვებს, ამ კუთხით ცვლილება არ შეინიშნება წინა წელთან შედარებით, ლარის კურსის ცვალებადობის მიუხედავად კი ფასები არ გაზრდილა, მომხმარებელს 5 ლარიდან შეუძლია გააკეთოს შენაძენი ჩვენს ქსელში.”
ვულე-ვუ: „ომპანია მომხმარებელს სთავაზობს ქალის, მამაკაცისა და ბავშვის პარფიუმს, დეკორატიულ კოსმეტიკას, ტანის, თმისა და სახის მოვლის საშუალებებს. ქალის ყველაზე მოთხოვნადი სუნამოა – კენზოს Flower in the air, მამაკაცის კი – Kenzo home sport. მომხმარებელს ძირითადად სიახლე იზიდავს, ჩვენს ქსელს კი ირჩევენ საიმედოობის, სანდოობისა და ხარისხიანი პროდუქციის კუთხით. ჩვენი კონკურენტები არიან „ისი პარი“ და „ლუტეცია“, ზოგადად გაყიდვები წინა წელთან შედარებით არ შეცვლილა, თუმცა ახალი წლის პერიოდში მატება საგრძნობი იყო, ლარის კურსის ცვალებადობის მიუხედავად ისევ ძველ ფასებს ვინარჩუნებთ, მაღაზიაში პროდუქციაზე მინიმალური ფასია 20 ლარი, ხოლო მაქსიმალური ფასი სახის კრემებზე ფიქსირდება და 1000 ლარს შეადგენს.”
ლუტეცია: ”კომპანია ლუტეცია 50-ზე მეტი ცნობილი ბრენდის წარმომადგენელია საქართველოში, ჩვენ მომხმარებლებს ვთავაზობთ სუნამოებს, დეკორატიულ კოსმეტიკას, სახის კანის, თმის, ტანისა და ფრჩხილის მოვლის საშუალებებს, ასევე მზის ხაზსს. პროდუქცია გათვლილია როგორცს ქალბატონებსა და მამაკაცებზე ასევე ბავშვებზეც. ქალის ყველაზე მოთხოვნადი სუნამოა – Estee Lauder-ის თანამედროვე მუზა, ხოლო მამაკაცის- One Million. მაღაზიაში გახსნილია კოსმეტიკური კაბინეტი და ქალებსა და მამაკაცებს შეუძლიათ ისარგებლონ კოსმეტიკური მომსახურებით. ლუტეციას VIP კლიენტები არიან: ირაკლი ღარიბაშვილი, ნანუკა ჟორჟოლიანი, ნანკა კალატოზიშვილი, ია ფარულავა, ინგა გრიგოლია, მანანა თოდაძე. ლუტეციას მთავარი კონკურენტია – „ისი პარი“ და „ვულე-ვუ“. რაც შეეხება გაყიდვებს, წინა წელთან შედარებით ამ კუთხით ცვლილება არ შეინიშნება, გაყიდვები სტაბილურია, ვალენტინობის დღესთან დაკავშირებით კი მომხმარებლის უფრო მეტ აქტიურობას ველოდებით. ლუტეცია გათვლილია მომხმარებლის ყველა სეგმენტზე ამიტომაც ფასები იწყება 2 ლარიდან, ხოლო მაქსიმალური ფასი სახის მოვლის საშუალებებზეა და 2000 ლარს შეადგენს.”
ქალთა ბედნიერება: ”ჩვენი კომპანია მომხმარებელს 1500-ზე მეტ დასახელების პროდუქტს სთავაზობს, მაღაზია ფოკუსირებულია ქალთა სეგმენტზე და მოიცავს ყველანაირ საშუალებას რაც კი შესაძლოა ქალბატონებს დასჭირდეთ. ასევე გვავს ბავშვთა ხაზი, სუნამოები და შამპუნები როგორც ჩვილებისთვის, ასევე მოზრდილი ასაკის ბავშვებისთვის. ყველაზე მეტად მოთოვნადი სუნამო არის ვერსაჩე. ქალთა ბედნიერებას ხშირად სტუმრობენ ნინი ბადურაშვილი, ეკა კახიანი, სოფო ბედია და სხვა ძალიან ბევრი ცნობილი სახე. ვფიქრობთ ბაზარზე, ჩვენი პროფილით, კონკურენტი არ გვყავს. გაყიდვებმა კი შარშანდელთან შედარებით ცოტათი იკლო, ლარის კურსის ცვალებადობის მიუხედავად დაბალ ფასებს მაინც ვინარჩუნებთ, ქალთა ბედნიერებაში მომხმარებელს შეუძლია შენაძენი გააკეთოს ერთი ლარიდან – 500 ლარამდე.”
ორიფლეიმი: ”ჩვენ მომხმარებლებს ვთავაზობთ ნატურალურ, შვედურ კოსმეტიკას, ქალის, მამაკაცისა და ბავშვის თავის მოვლის საშუალებებს, პარფიუმსა და დეკორატიულ კოსმეტიკას. ორიფლეიმი სუნამოების ფართო ასორტიმენტს სთავაზობს კლიენტებს, ქალის ყველაზე მოთხოვნადი სუნამოა- VIP Night, ხოლო მამაკაცის- Giordani Man. ორიფლეიმის მომხმარებლები არიან ლელა წურწუმია და თაკო ჩხეიძე. ჩვენს მთავარ კონკურენტად შეიძლება „ეივონი“ ჩაითვალოს. გაყიდვები წინა წელთან შედარებით მცირედით შემცირდა, ჩვენ იმპორტირებულ საქონელზე ვართ დამოკიდებული ამიტომაც ლარის კურსის ცვალებადობამ იმოქმედა ფასებზეც, მაგრამ ვცდილობთ დაბალი ფასები შევინარჩუნოთ. ორიფლეიმში მომხმარებელს შეუძლია შენაძენი გააკეთოს ერთი ლარიდან , ხოლო მაქსიმალური ფასი ჩვენთან 200 ლარია.”
ეივონი: ” ჩვენი კომპანია პროდუციის რეალიზაციას ახდენს პირდაპირი გაყიდვის წესით, მომხმარებელს ვთავაზობთ ფართო არჩევანს ქალის, მამაკაცისა და ბავშვის კოსმეტიკურ ნაწარმზე, პარფიუმზე და სხეულის მოვლის საშუალებებზე. ეივონში ქალის მამაკაცისა და ბავშვის სუნამოების დიდი არჩევანია, ქალის ყველაზე მოთოვნადი სუნამოა – Little black dress, ხოლო მამაკაცის- Blue individual. ჩვენი მთავარი კონკურენტები არიან „ორიფლეიმი“ და „ფაბერლიკი“. გაყიდვები წინა წელთან შედარებით ძირითადად არ შეცვლილა, თუმცა ახალი წლის პერიოდში გაიზარდა, რაც ბუნებრივია, იგივე ტენდენციას ველოდებით ვალენტინობის დღისა და 8 მარტისთვის. ფასები პროდუქციაზე იწყება – 2 ლარიდან , ხოლო მაქსიმალური ფასი კი სუნამოებზე ფიქსირდება- 150 ლარი.“
ფაბერლიკი: ”ფაბერლიკი რუსული პარფიუმერულ-კოსმეტიკური კომპანიაა, ჩვენ მომხმარებლებს ვთავაზობთ ნატურალურ დეკორატიულ კოსმეტიკას, პარფიუმსა და თავის მოვლის საშუალებებს, ფაბერლიკი გათვლილია როგორც ქალებისა და მამაკაცებისთვის, ასევე ჩვენ გვაქვს ბავშვების პარფიუმის ხაზი. ფაბერლიკის გაყიდვებში ქალის ყველაზე მოთოვნადი სუნამოა – Faberlik Kaori, ხოლო მამაკაცის – Faberlik 8 Element. ფაბერლიკი კონკურენტებად მიიჩნევს „ორიფლეიმსა“ და „ეივონს“. 2013 წელი გაყიდვების კუთხით წამგებიანი იყო, 2014 წელს კი მდგომარეობის გაუმჯობესება შეინიშნება. ფასები კი უცვლელია, არ გაზრდილა, მიუხედავად ლარის კურსის ცვლილებისა კომპანია ცდილობს დაბალი ფასები შეინარჩუნოს. მინიმალური შენაძნი ფაბერლიკში შესაძლებელია 6 ლარიდან გაკეთდეს, ხოლო მაქსიმალური ფასი 150 ლარია.“
05.01.14
ნინა პირტახია
