ფინანსთა მინისტრი ნოდარ ხადური არ ადასტურებს ინფორმაციას იმის შესახებ, რომ “ჯეოსელში” საგამოძიებო სამსახურის შესვლა კომპანიის მიერ უკანონო მოსმენებზე უარის თქმას უკავშირდება.
ამის შესახებ ხადურმა ჟურნალისტებს გავრცელებული ინფორმაციის კომენტირებისას განუცხადა, რომლის თანახმადაც, დაკითხულია “ჯეოსელის” IT დეპარტამენტის თანამშრომლები, ხოლო თავად IT დეპარტამენტი დახურულია.
“მე ასეთ ინფორმაციას არ ვფლობ და პირდაპირ შემიძლია გითხრათ, რომ შემოწმება მიზნად ისახავს მხოლოდ ფინანსურ საკითხებს”, – განაცხადა ნოდარ ხადურმა.
კომპანია “ჯეოსელში” ფინანსთა სამინისტროს საგამოძიებო სამსახური რამდენიმე დღის წინ შევიდა.
17.02.14
