სოჭის ოლიმპიადაზე პირველი ქართველი სპორტსმენი გამოვიდა. ნინო წიკლაურმა, რომელიც ქართული დელეგაციის მედროშე იყო, გიგანტურ სლალომში იასპარეზა და მონაკვეთი 1:27.27 წუთში გაიარა. ამ მაჩვენებლით ნინო წიკლაურმა მოთხილამურეთა შორის საბოლოოდ 54-ე ადგილი დაიკავა.
ეს ქალების პირველი გამოსვლა იყო გიგანტურ სლალომში, მეორე დაშვება საქართველოს დროით 13:00 საათზე დაიწყება. აღსანიშნავია, რომ ნინო წიკლაური 21 თებერვალს სლალომშიც იასპარეზებს.
სოჭში ოთხი ქართველი სპორტსმენი ასაპარეზობს. 19 და 22 თებერვალს იასპარეზებენ სამთო მოთხილამურეები იასონ აბრამაშვილი და ალექსი ბენიაიძე, ელენე გედევანიშვილი (ფიგურული სრიალი) თამაშებში19-20 თებერვალს ჩაერთვება.
სოჭიდან პირდაპირი ტელეტრანსლაცია საზოგადოებრივმა მაუწყებელმა დღეს 11:00 საათიდან დაიწყო.
