უკრაინის პრეზიდენტს, ოპოზიციის ლიდერებს, ევროკავშირისა და რუსეთის წარმომადგენლებს შორის მიღწეული კრიზისის დარეგულირების შესახებ შეთანხმების პარაფირება ვიქტორ იანუკოვიჩის უფლებამოსილების 48 საათის განმავლობაში შეზღუდვას გულისხმობს. ამის შესახებ “უკრაინსკაია პრავდა” იუწყება.
გავრცელებული ინფორმაციით, შეთანხმების პროექტი 2004 წლის კონსტიტუციისთვის დაბრუნებას და ამ გზით პრეზიდენტ იანუკოვიჩის უფლებამოსილების 48 საათის განმავლობაში შეზღუდვას ითვალისწინებს.
ამასთან, “უკრაინსკაია პრავდას” წყაროს ცნობით, შეთანხმება ასევე ითვალისწინებს 10 დღის განმავლობაში კოალიციური ხელისუფლების ფორმირებას. ასევე ვრცელდება ინფორმაცია, რომ ვიქტორ იანუკოვიჩი დათანხმდა ვადამდელი საპრეზიდენტო არჩევნები 2014 წლის დეკემბერში ჩატარდეს.
დოკუმენტს ხელი 12.00 საათზე მოეწერება.
21.02.14
