24 წლის უკრაინელმა მოთხილამურე ბოგდანა მაცეცკაიამ პროტესტის ნიშნად დატოვა ზამთრის ოლიმპიადა.
„მე გადავწყვიტე, რომ პროტესტის ნიშნად არ მივიღო მონაწილეობა ოლიმპიადაში, და ამით ჩემს თანამოქალაქეებს თანადგომას ვუცხადებ, მე აბსოლუტურად აპოლიტიკური ადამიანი ვარ, არ ვუჭერ მხარც არცერთ პარტიას, მე ვარ უკრაინელი ხალხისკენ და სასტიკად ვეწინააღმდეგები იმას, რასაც ახლა იანუკოვიჩი და მისი ხელისუფლება აკეთებს“. – განაცხადა მან.
ალპინისტმა 14 დღის განმავლობაში ორჯერ მიიღო მონაწილეობა თამაშებში, პირველად ის 27–ე ადგილზე გავიდა, ხოლო გასულ შაბათს 43–ე ადგილზე. მას მესამედ ასპარეზობა კვირის ბოლოს უწევდა, თუმცა დღეს საჯაროდ განაცხადა, რომ ტოვებდა თამაშებს.
უკრაინელი სპორტსმენის ამ გადაწყვეტილებას გამოეხმაურა საერთაშორისო ოლიმპიური კომიტეტის სპიკერი მარკ ადამსი : „ ამ სპორტსმენის ეს ქმედება ინდივიდუალურია, მას სურდა და დატოვა თამაშები, სამწუხაროდ ვფიქრობ, რომ უკრაინული დელეგაციის სხვა წარმომადგენლებიც დატოვებენ თამაშებს.“
სერგეი ბუბკამ, მსოფლიო ექვსგზის ჩემპიონმა ტანვარჯიშში და ზამთრის ოლიმპიადის უკრაინული დელეგაციის კომიტეტის ლიდერმა მოუწოდა უკრაინულ ხელისუფლებას, რომ მოსახლეობის მოთხოვნები დააკმაყოფილოს, გადადგეს და დანიშნოს არჩევნები. იგი არ გამორციხავს, მთლიანი დელეგაციის მხრიდან ზამთრის ოლიმპიური თამაშების დატოვებას.
ოლიმპიადის მე–14 დღის მონაცემებით, უკრაინული 45 კაციანი დელეგაციიდან, ჯერჯერობით მხოლოდ ვიქტორია სემერენკოს აქვს ბრინჯაოს მედალი მოგებული – სირბილში მოკლე დისტანციაზე. უკრაინულმა დელეგაციამ წუთიერი დუმილი მიაგო უკრაინაში გარდაცვლილ დემონსტრანტებს და სამართალდამცავებს. სპორტსმენებმა დროშებსა და ოლიმპიურ სოფელში განთავსებულ საცხოვრებლებს შავი ლენტები მიაბეს.
21.02.14
ნათია კეკენაძე
